"荃人大"話要係人大會議提出讓全體立法會議員可以返祖國,
"老曾"一句就"吋"埋去話"少說話多做事"喎!
跟住仲話"情長"單嘢佢係背後做咗好多嘢,
只不過佢唔講人哋唔知喳喎!
嗱~哩啲就真係叫天真嘞!
"荃人大"故之然天真啦,
如果阿爺唔係有心畀你講嘅,
你份議案都未入人大個門口就被人截住啦,
你講得出口嘅阿爺一早心中有數,
至於成唔成事就要睇吓奧運會搞成點囉,
和諧氣氛最重要嘛!
至於"老曾"就唔知係天真定係面皮夠厚喇,
"情長"放唔放係佢可以話事咩?
阿爺唔想放嘅你"老曾"做什麼都無用,
佢唔係天真到以為自己有咁大影響力嘛?
定亦或佢以為我哋天真到以為大家會相信一切係佢功勞呢?
"老曾"你咪以為我哋真係咁天真先得架,
你咪呃我"膝頭哥唔食辣椒醬"好噃!
7 則留言:
捧得一個曾生
自然捧到另一個曾生
咁何必咁樣去「做好呢份工」？
好明顯係俾人玩...
伊麵丹,
心甘命抵嘅,咁樣唔照被人玩喎!
我就冇意見！
但對呢句『膝頭哥唔食辣椒醬』好有興趣，想知道多啲，全句是點解？ 同有乜典故？ 是『順口』說，定系，仲有下一句的對聯？
我以前從未見過聽過嘅。
space,
好難得你無意見喎????!!!!
這句說話細個時就識了,
出處我都唔知喎,
你有興趣就要自己查吓囉! =p
哎吔！ 當然已經查過，但冇呀嘛！
Google 過『你咪呃我"膝頭哥唔食辣椒醬"』
for 出處! 都冇答案！
space,
找到兩個解釋:
1)呃我膝頭哥唔食辣椒醬」
哥的形容就是細路哥
膝頭哥是形容年紀小的孩子
達到大人膝頭高度的細路哥
因為小孩子不喜歡吃辣椒醬
別騙小孩子吃辣椒醬
意思是莫欺騙小孩子
2)此個是劉天賜講的,
膝頭哥不是人，不是阿哥，不會食辣椒醬的，這簡單明顯的道理或事情還拿來欺騙？呃我膝頭哥唔食辣椒醬咩！
暫時只找到這些!
謝謝！
繼續努力。
發佈留言