友人昨天忽然來電:
『喂喂喂...搶咗幾多呀?』
『搶物嘢呀?』
『搶米囉! 你唔係唔知吖?』
『我知! 啲米加價嘛,但係屋企嗰包都未食哂喎!』
『加成四五成喎,再唔搶就要食貴米架!』
『男人老狗同啲師奶阿婆爭,好滑突啫!』
『一包加十幾廿蚊都好溶喎,你好有錢呀?』
『唔係,只不過食完嗰幾包都係要捱貴米啦,最多食麵囉!』
『你話呀!啲麵粉都加咗啦,遲啲實又加過呀!』
『都無計架,豬又加,牛又加,菜又貴,連啲罐頭都狂加,你買得幾多喎?』
『鬼叫我哋窮咩! 買得幾多買幾多啦, 你去唔去搶架?』
『唉.....』
相關文章:
心空海嶽 ~ 苦了小市民
20 則留言:
都幾誇張！
平時賣開$23 一包50磅
現在加倒$30
仲一買就四包 =.=
冷風,
我都唔識計了,
香港就$35-60左右五公斤,
不過就來要加價了,
到時真係要食少飯囉! =(
哈... 我一家人都少食飯, 通常都係粉麵當晚餐.
可能D米加價期間會再減少食tim...
oscar,
看來粉麵遲啲都會加價了1 =(
I haven't bought rice for 3 to 4 years already. I don't really cook at home.
新鮮兄：
多謝連結了！
小市民真真真係好困難！
政府派糖是一次過，奸商就乘機加價，市民暫時口袋多了點錢，一時三刻不太覺，但加了的價是長遠的，好難至會跌返落嚟！
苦了小市民！！！
豬又加,
牛又加,
菜又加,
連啲罐頭都狂加,
就祗欠人工重未加
=_________=" !!!
我打算入d 意粉, 美元咁底, euro又變相升值, 好快意粉都會升幾個價位ga 喇! 入得快好世界喇!!
imak 個算盤打得幾響！
叻叻 ^^"
ruth,
物價狂升,
就算唔煮出街食都貴咗啊,
雖然好多人仲負擔得起,
但相對上放在食物上的支出就多咗好多了,
也就算說我們的收入是少了! :(
space,
唔多謝! =)
物價有升無跌,
想佢跌返落黎都好難囉,
大家唯有慳啲洗啦! =(
風子,
望加人工等於與虎謀皮,
好難好難啊! =(
imak,
十分欣賞你的財務手法,
尤其是入午餐餐,放中鐵的提議,
極能將消費理論混入財政投資!
勁! =p
冷風,
我都係咁話,
要多多學習了! =)
乜都加，唯獨人工唔加。
呢鋪要食屎喇。
豆豆,
無飯開飯,
邊度有屎痾喎,
睇怕遲啲連屎都無得食呀!! =p
咁呢鋪慘喇，我地連屎都要搶黎食喇！
豆豆,
啋~~~
我唔同你爭囉,
全部留返畀你!
哈哈哈~~~ ^0^
哈哈哈！咁好呀？
咁我請舊屎你食點話丫～
唔洗同我計喎！
豆豆,
咁多謝呀,
咁"珍貴"嘅嘢都係你自便啦!
嘻嘻~~~~~~
發佈留言