清明節 是但噏

事先聲明:
篤信風水,傳統禁忌者勿看此篇!

新鮮仔:『今日係清明,有物好講呢?』
新鮮人:『講孝子賢孫?』
新鮮仔:『老唔老土啲呀!』
新鮮人:『講清明雨紛紛?』
新鮮仔:『又講詩?好悶啫!』
新鮮人:『咁講物嘢好嘞?』
新鮮仔:『不如講吓拜山是但噏囉!』
新鮮人:『搞物嘢呀????!!!』

新鮮人:『年年山長水遠去拜山,行到腳都跛,有無計?』
新鮮仔:『有! 火葬後將啲骨灰攞返屋企擺囉!』

新鮮人:『年年燒咁多衣落去,點知先人收唔收到架?』
新鮮仔:『燒埋疊收據落去,叫佢哋簽收畀返我哋囉!』

新鮮人:『今年燒衣連高清電視都有得燒呀?』
新鮮仔:『物下面咁快就有高清發射站咩?』

新鮮人:『今年物都貴,都唔知買唔買燒豬去拜山好?』
新鮮仔:『買麥當勞啦! 返正都係我哋食返,麥記薯條好好味架!』

新鮮仔:『不如今年買部Wii去拜山啦,不過要買部真架喎!』
新鮮人:『物有人買真嘢去燒嘅咩?』
新鮮仔:『無架!買咗拜一拜你都唔會燒啦,到時咪係益我囉!』

新鮮人:『新鮮仔呀!我覺得生舊叉燒好過生你呀!』
新鮮仔:『豬肉加咗價,叉燒都好貴架!』
新鮮人:『唉~我真係唔多想認你係我個仔,第時都唔知點算!!』

其實拜山都係為表孝心,
各施各法,各有習俗,
自己覺得舒就可以啦!