今日見到一單極之恐怖的新聞,
話說有兩名女子分別去了老撾和泰國旅遊,
吃了生的西洋菜沙律後將肝片吸蟲吃進肚裏,
回港後肚痛發燒入院,
檢驗後發覺蟲卵在肝臟成長如曱甴般大,
其中一人服食杜蟲藥八個月方能殺絶寄生蟲,
另一人服藥無效,要切除1/4肝臟保命!
香港人好少用西洋菜生食,
多數用來大火煲湯為主,
所以絶少染此種寄生蟲,
除了西洋菜衛生問題外,
我們日常都會接觸沙律等生食食品,
但又不清楚一般食肆的衛生情況,
食了什麼入口真是不得而知,
所以在外都是少食生冷為上!
(我都算是怕死一族了!)
我對於"蟲"這個字有好大抗拒感,
但凡見到有個"蟲"字嘅東西都會好噁心,
什麼毛蟲,迴蟲,菜蟲,線蟲,鉤蟲,豬縧蟲...
一諗起就會打冷震,
如果話有蟲係我自己體內生長,
諗起佢哋可能係身體入面蠕動我就會起哂雞皮,
我會好驚好怕好擔心好噁心,
如果話食沙律好易會生蟲嘅,
我寧願永遠都唔食沙律了!
19 則留言:
西洋菜都夠膽生食？
而且仲要係呢類地區？
咁又真係大膽過頭
coobe,
但唔知話佢哋無知定大膽好囉,
咁都夠膽生食,
我覺得係蠢多啲! =p
西洋菜是絕對不能生食喎！細個見到阿媽洗西洋菜時，要洗好耐好耐，仲話要用鹽浸洗令d虫走出黎．．．．
生食？點擺入口呀？
bbj,
聽講話係當地啲西洋菜係幼身好多喎,
所以可以做沙律囉,
但係點都好啦,
生食任何西洋菜都好危險,
何況係泰國和老撾添,
佢哋真係攞黎衰呀!!
講真
以我這個為食人來講
我都不敢說我一定不會吃（尤其是如果人話好吃...)
不過..
風險就要承擔囉...
你個header好colorful！
我都換了一個緣色的header...春天一番
ahhahaha
夕,
我以前去內地旅行時都係乜都敢食,
什麼四川麻辣薰魚,麻辣豆腐花,地瓜糖水,
冷熱都擺入口,
真係唔怕死架,
可能以前(10幾年前)無咁多古靈精怪嘢,
但係而家就唔夠膽了,
一來年紀大機器壞,
二來內地嘅不法商人愈來愈恐怖,
為咗賺錢真係什麼都夠膽死,
所以而家要我好似以前咁大膽隨便食都好難了!
夕,
謝謝!
夏天黎了,
想換個開心啲嘅header,
我都有看過你個新header,
小女孩食生果加上綠色草地都好可愛! =)
問:食野既時候發現碗中有幾多條蟲最得人驚？
答:半條。
其實我吔都應該介食魚生, 生蠔呢類嘢,高危呀, 我以前都生過蟲蟲呀, 但食咗一粒藥就冇事, 但我依然冇介魚生哦! 抵我死!
廣告都有教啦，
「食咩都要煮熟先好食呀，唔係好易生虫虫～
生0既食物同熟0既食物要分開擺...」
如果食左啲污糟野，就算唔生虫，我都唔想染到啲乜野HBV,EV-71型腸病毒...
我自從上次食Sushi食到腸胃炎之后，
我而家對於感覺唔衛生0既野，
都係覺得忍下口好過！
PS：上吐下瀉plus肚痛真係勁辛苦架！（想死！）
Jerry,
你咪搞爛GAG啦,
想嚇死咩???? ＝＿＿＝！！
yuen,
生蠔同刺身真係太好味,
好難介架,
不過又驚又想食,
好矛盾呀!!!!
豆豆,
我腸胃都唔係好好,
但係又為食喎,
可能都要忍吓口先得了! =(
I have lettuce salad because sometimes it is the only veggie dish in some places...but there is no way I will have watercress salad.
My grandma said there are "vampire worms" lingering on the watercress so we should always soak them in salty water before we cook them.
That's so scary.
tofufa,
新鮮媽都係咁講架,
西洋菜要用鹽捽吓佢殺蟲,
同埋唔可以生食,
我都唔知點解會有人咁笨,
不過有時都擔心其他疏菜唔衛生,
做沙律一定要揀啲好嘅入口沙律菜啊!
ruth,
我睇到都好驚,
以後食沙律都有陰影! =(
而家真係食咩都死,空氣有菌,水又污染,
地球就係唔住得人架啦....
=[
天使,
唯有小心啲啦,
唔好食咁多生冷嘢,
人類用太多化學藥品,
一來污染環境,
兩來又使到細菌有抗藥性,
這是人類自招啊!
發佈留言