甘泉航空昨日清盤,
估計有六萬多名旅客遭受損失,
合共大約港幣一億多元.
香港政府早於上週末已知此事,
但仍然準許甘泉出售機票,
由於甘泉當時正在商討賣盤,
政府話不便干預商業運作,
希望可以給甘泉一線生機喎!
咁樣又邊個俾機會我哋呀?
我哋啲打工仔死慳死抵先至夠錢買機票,
而家一話收檔張機票就可能變成廢紙啦!!
甘泉創辦人李卓民夫婦事後深表歉意,
但當有人查詢甘泉會否一力承擔已賣出的機票時,
甘泉公司卻斷然拒絶作出任何承諾喎,
哩啲唔知係咪叫做"貓哭老鼠假慈悲"呢?
最慘係啲貧苦學生買咗機票趕返英國返學呀,
而家錢又無,機票又無,又無人理,都唔知點算!!
明知有事又唔理,
繼續賣票話合理?
結果爆鑊揾鬼理,
哩個政府話之你!
18 則留言:
【明報專訊】甘泉起碼向逾3萬名市民預售了約6萬次航程，涉款逾2億元，估計這3萬乘客最終討回款項的機會不大。
呢單嘢個責任，對口機構應該是『消費者委員會』，政府出嚟講嘢個位鄭姓女局長，是做埋人地個分工，佢個局應該立即通知『消費者委員會』。
運輸局唔喺處理消費者投訴，保障消費者權益，呢瓣嘢喺『消費者委員會』做架。
『消費者委員會』後知後覺？定喺知道咗冇行動呢？未能保障『消費者』，個主席同總幹事，應該引咎辭職！
政府又唔錯得哂架，因為如果每間商業機構出問題佢都要公報又或是出手，香港會唔掂架，而我地立稅人仲甘呀！
國泰同英航好好架啦，即時出作出反應，快準！
space,
消委會好似唔係一個有法定權力嘅機構,
佢唔可以事先做些什麼喎,
而且都唔知佢哋事先知唔知這件事,
知道嘅可能係工商事務局,
不過改制後都唔知究竟邊個管,
你知啲政府部門各自為政,
未必會事先通知消委會喎,
所以未必全部係消委會錯哂掛,
其實都係靠估,
都唔知係要負責!?
bbj,
要政府賠梗係唔啱啦,
但都無理由任佢繼續賣飛掛,
咁哩幾日買咗飛啲咪好無辜?
當廉價航空遇上貴價石油,當然係執笠!!
再者,貪平係有風險!!
比貴D就係買人地個口碑,品質,仲有信心!!
天使,
就好似買菜咁,
貴啲就靚啲,
但係無理由買平菜就連菜都唔畀架?
咁樣唔公平喎!
Contract 合約
早已經訂下合約雙方的權責，
政府喺呢方面喺無嘢可以做，
政府是要維持公平營商環境，
公平法制，對雙方都要公平。
喂！如果本來有『白武士』願意接手，但因為政府一早公報，啲消費者怕怕，唔買甘泉機票，『白武士』因為咁而放棄接手，咁對甘泉又公唔公平先，對早已買了機票的，本來有機會可以飛的變成飛唔成，到時咪又鬧政府。
再者，有三至五萬人早買了機票，有單程的有來回程的，即喺有六至八萬『程』未飛，你話在最後一兩天購票的人多啲? 還是早已買到機票的多啲呢？
Caveat Emptor，任何買賣都有風險，啲人唔買正價機票就會有更高風險，食得鹹魚抵得渴！ 唔好樣樣都要政府照顧。
同意『天使』所言『貪平係有風險!!
比貴D就係買人地個口碑,品質,仲有信心!!』
space,
我無嘢講啦!!
受害者係抵死啦,
自作自受囉! =p
想當年董伯伯就是乜叉都走去理, 就俾人話仍干預市場正常調整. 當然受害者係慘, 但航空公司要賣盤或清盤, 都屬商業機密, 並無需要通知政府. 是次事件跟旅行社倒閉過案類同, 只是scale 較大, 但join 了團的旅客可說是喊都無謂.
作為創辦人, 未到最後一刻也想堅持下去, 這也可以理解.
Not sure if this works in HK...if the customer bought their tickets with their credit cards; they can request a chargeback within 60-90 days.
我都好慘...
一直都諗住搭佢去英國行下
估唔到咁快摺埋
imak,
唔係話物都要理,
但政府係唔係要做好啲,
商業嘅嘢我唔識,
但係啲小市民好慘喎!! =(
tofufa,
我知AE 可能得,
但其他信用咭就未必了!
YANYAN,
好彩你未買喳,
唔係就一殼眼淚囉!
呢個政府愈黎愈唔係路!
做乜都唔掂!完全妄顧我地啲星斗小市民！
豆豆,
我對佢已經無物期望了! =(
tofu：hsbc 同恆生的credit card 都得呀！
bbj,
係咩?
我用緊都唔知! =p
發佈留言