台灣近日爆出"三千萬美元秘密外交巨款被侵吞醜聞",
事源外交部秘密透過中間人欲與巴布亞新畿內亞建交,
但邦交未成,三千萬費用卻不翼而飛,
懷疑侵吞款項的疑犯又消失無踪,
其實類似的事件在99年亦曾發生,
當時盛傳台灣給予新畿內亞新台幣190億,
但建交三日即停止邦交,
可謂兒戲之極,
就如街頭騙案一樣,
愚蠢又無知,
而且台灣秘密外交費用又無監管,
只憑外交部長一人即可批用大量費用,
難怪今次可能有人中飽私囊,
大拿拿10億新台幣化為烏有,
睇怕都好難追得返黎了!
其實用錢買返黎嘅邦交真係無乜用,
人家用完啲錢咪又唔理你,
有時錢一過手就話之你,
咁樣做唔單之唔可以逹到預期目的,
而只是不斷派錢畀人洗,
呃佢啲錢易過呃街邊阿婆呀,
阿扁你嘅外交政策真係"天真之極",
難怪你上場咁多年,
台灣嘅經濟愈來愈差!
10 則留言:
台灣冇人理嘛，唯有出錢先有人肯做朋友咋！而且十億台幣唔知有幾多回流番去阿扁自己個袋啦！
黑暗黑暗黑暗黑暗黑暗
嗄！ 我冇理會呢單嘢噃！ 個回應喺 BBJ 嘅，敬請留意。
你快啲刪掉個上面同E個回應喇，咁就神不知鬼不覺嘞！
bbj,
事件還在發展中,
我日日都追住黎睇,
好睇過電視劇呀!
space,
係喎,
我又睇錯添,
唔好意思,
不過都好吖,
起碼引到你留言嘛,
你有乜意見呢?
ps:咁我删唔删你個留言好呢?
唔删人哋都會知喎,
哈哈哈~~~~~
好嘞！ 輪到我講嘞！
臺灣外交失款案，到最後會有人攬嗮上身，然之後自殺，以謝國人，至于是否真的自殺謝罪，就不得而知嘞，最後變成無頭公案，不了了之。
刪喇，改買上高個p.s. 咁就神不知鬼不覺嘞！
Space,
嗰班友點會自殺吖,
個個都係講就天下無敵,
做就有心無力,
咁愛台灣嘅就唔會有人穿櫃底啦,
我話實無人會自殺,
有人攬上身就唔奇!
ps:我唔會咁删嘅,做錯就要認嘛! =p
開槍射阿扁同阿蓮個槍手都死咗喇！
今次咪外交部有個會計員匯款做咗手腳囉,
梗唔會喺的高官喇，啲高官唔會自己去匯款呱，自唔自殺呀？ 哈哈哈！ 咪交通意外囉！去游水遇溺囉，去爬山跌死囉！遺囑攬嗮上身。
space,
你咪咁講啦,
話人需有理,
放長雙眼先,
睇完先定論!
我都希望查過水落石出打爛沙盤差到底！
非不能也 乃不為也
非不為也 乃不能也
連馬英九都唔會想楊嗮啲料出來，
點解臨到移交權力至爆出醜聞呢？
因為國民黨以前都是這樣攪外交，
一路查落去執政黨國民黨大地震！
這是綠營臨別秋波埋下巨大炸彈。
space,
我都估係咁嘅,
中國人就係咁,
好多嘢都係人治,
唔講法治,
當權者話點就點,
結果咪一塌糊塗囉!
發佈留言