今天經過某連鎖式快餐店,
見到其店長與一名客人對駡,
原因是客人霸佔坐位又不光顧,
那個客人放到成枱都係紙巾和藥膏,
又係咁係度用藥膏搽手,
其實都幾不雅,
個店長見到梗係唔忍佢啦,
所以咪請佢離開囉,
但佢仲聲大夾惡咁鬧返人,
結果就嘈起上黎,
個幾鐘頭後我再經過,
嗰個女人依然坐係度當無事,
你話係咪一樣米養百樣人吖?
其實好多食肆都規定客人唔可以帶外來食品入來進食,
合唔合理就見仁見智,
但又無理由要人家畀張枱你食外面嘢架?
人家都要燈油火爉喎,
你覺得唔合理嘅咪唔幫襯佢囉,
無謂走入去搞到嘈邊巴閉吖?
又好似有啲人一家大細去飲茶,
啲細路喜歡食M記嘅就買埋入酒樓食,
唔係一兩個包咁簡單喎,
係四五個細路四五份M記套餐,
仲放到週枱都係薯條汽水咁誇張喎,
食完啲外賣紙袋就咁掉哂係枱面,
簡直當酒樓伙記無到咁,
雖然人家息事寧人唔同佢嘈,
做人都唔好咁過份吖,
面就人哋畀嘅,
要人出聲話就無意思啦,
做人做成咁咪搞到下一代有樣學樣囉,
將來無哂規矩都係拜父母所賜!
14 則留言:
依尐情況只有三個字形容 - 冇家教.
啲人都幾厚面皮架喎!
咁都做得出...
認同樓上位仁兄所講:無家教.
阿公阿爺阿婆阿嫲教落啲阿爸阿媽
一 『墨』『殤』 承！
O咗嘴~
悟樂,
講得好,
無家教,
因為家長都係咁衰格,
咁會教吖!!
豆豆,
一樣米百樣人嘛,
有啲人再衰啲都做得出,
自私無教養囉!
唉~~~~
space,
你想講"臭坑出臭草"嘅意思嘛??
豆腐花,
簡直就係嚇到目定口呆呀! =(
no！no！no！
你個句是街坊工友 梁耀中的名句！
佢個句是 stereotyping，
我唔喺咁嘅意思，
唔好嘅甕，都可以生到香草，
只要受到良好教育，
教育有好多種類，
家教只是其一。
養不教 父之過 教不嚴 師之惰
space,
你誤解了,
我講"臭坑"唔係"臭甕",
"甕"乃器皿,
比較高級,
"坑"乃街邊坑渠,
低級好多,
用"坑"來比喻就更加唔會對哩啲家長有什麼期望啦!
你個句雖然同街坊工友 梁耀中的名句，
差一個字，但同樣係 stereotyping，
我上面唔喺咁嘅意思，
家教唔好，咪搵為人師表去教囉，
只要有教無類，甕又好 坑又好，
都可以生到香草！
最怕喺唔教啫，所以十二年的，
mandatory免費教育
是社會應該和有需要投資的項目。
好過攪十個『西九』文娛區！
space,
今日所見,
人民素質不斷下降,
唔好講啲家長,
就算啲為人師表都唔係咁高品德,
連啲製定教育方針嘅官員都一塌糊塗,
社會風氣亦愈來愈差,
係咁嘅環境耳濡目染下,
就算再讀多廿四年都無用,
你講嘅係道理,
但做起黎都好難實現得到了!
今時今日,個個向錢看,
那些有人會顧己及人呢??
呢類未就係真正無家教囉
coobe,
唉~~~~
教都無用,
教而不善呀,
攞去垃圾堆田區就啱嘞!
發佈留言