穿舌環? 抵死!

十五歲少年趕潮流"穿舌環",
不久發現舌頭劇痛,
而且傷口流血不止,
最終告知家人報警入院!

看完這單新聞的評語是: 抵佢死!
你話我黑心我都係咁話,
好穿唔穿揾條脷黎穿?
你知唔知舌頭有幾萬條神經線架?
你又知唔知條脷有好多微絲血管架?
唔知就唔好有樣學樣啦,
咪見啲明星穿你又穿先得架!
好話唔好聽,如果有乜事就要切咗條脷架,
到時唔單止食嘢無味,
講嘢都可能會"lur","lur""脷,
再衰啲就細菌入侵,
到時條命仔都有危險呀!

而家啲所謂"潮人",
穿到週身都係"隆",
肚臍,口唇,眼眉角...
連耳仔都釘六七個"隆",
都唔知佢哋想點?
做乜好好哋仲釘到週身"隆"呢?
咁樣叫做好潮好有型咩?
我話唔衛生又危險,
好似釘係眼角嘅幾麻煩吖?
次次剝衫都可能刮到流血,
有時仲連皮帶肉咁扯埋出黎,
你話係咪攞苦黎辛吖?
又好似釘到個耳仔六七個"隆"咁,
如果要剝嗰時點算好吖?
剝咗個耳殼成堆"隆"係度,
前面望到後面,後面又望到前面,
你話係咪滑突到嘔吖?
我奉勸各位年青人樣樣都可以"潮",
但唔該唔好學人釘到週身"隆",
唔係到時出咗事無人會可憐你!

延伸閱讀:
少年穿舌環流血不止