南韓又有示威抗議,
今次又嘈乜嘢呢?
咪係反對政府放開美國牛肉入口囉,
啲農民話驚有瘋牛症喎!
成個首爾幾萬人遊行集會,
又舉牌又點蠋光又叫口號,
搞到總統李明博幾個高官要落台,
今日仲話內閣總辭,
你話幾無謂吖!
啲南韓,台灣官員好似喜歡辭職咁,
郁啲就話向人民謝罪辭職,
都係香港的問責官員"盡責"啲,
做錯嘢兼被人鬧到飛起都唔肯走,
個個月照樣逗你幾十萬納稅錢,
你話南韓啲官員係未要向香港啲高官學習吓,
唔好郁啲就"劈炮"先得架!
講返南韓單嘢,
2003年瘋牛症爆發後,
南韓就禁止美國牛肉入口,
嗰時風頭火勢,
禁止入口都好正常,
但係件事都過咗幾年,
好多國家都解禁咗啦,
點解啲南韓人仲咁驚喎,
講到底咪又係貨易壁壘問題,
美國佬梗係想你開放哂成個市場畀佢架,
但係南韓啲牛農梗係唔制啦,
畀啲又平又靚嘅美國牛肉入哂黎,
啲南韓牛農咪無啖好食!!
南韓人啲保護主義真係好鬼勁,
好似上年政府話放寬外語電影上映數量之嘛,
嘩~~~啲南韓明星就全軍出動,
又靜坐又抗議, 好以打到黎咁,
又好似話開放大米市場,
啲南韓農民又跟住啲世貿會議全球去示威,
相信大家都見識過啲南韓農民嘅威力架啦!
講真開放自由貿易市場是大勢所趨,
根本無辨法避免,
問題係點樣開和開幾快啫,
中國而家都係面對緊同樣嘅問題啦,
最有嘅方法係提昇自己產品嘅質量和減低成本,
你擋得一次擋唔到第二次,
唔通仲好似清朝咁行"鎖國政策"咩?
北韓鎖咗咁多年,而家都玩開放啦,
南韓同志,你哋醒醒啦,
做鴕鳥係解決唔到問題架!
13 則留言:
我都想做個盡責0既香港官員！
提起南韓就唔開心
好似D癲佬咁
端午節又係佢，道教又係佢
嚴重厚顏無恥
話時話，隻牛幾得意
韓國燒烤 牛肉 bulgogi 牛肋骨 galbi 如果用美國牛肉，就失去傳統用韓牛風味，怎麼成呢？ 畀平價美國牛肉打敗後，就只有極少人養韓牛，要食韓牛就要畀貴價，好似日本人吃和牛，還有要靠輸入，到時價格就畀美國控制。
情況就如香港，冇哂養牛養豬養雞養鴨養鵝種菜，乜都靠內地輸入，唔好計成本漲價，凈喺人民幣升值，已經令價格飛漲。
"Trade Liberalization" has been a theme of APEC (亚貿) for quite a while now. Countries that want to join WTO (世貿) will also need to dismantle non-tariff trade barriers and be in compliance with WTO rules, standards and protocols. Protectionists are running out of elbow rooms in an increasingly globalized economy !!!
佢地真係咩都示威,仲要暴力地!
不過佢地政府又好似唔多理佢地咁,邊似香港咁,驚D市民示威架!!
豆豆,
你真係好嘞,
真心為香港,
係咪想做局長助助呢?
人工好高喎! =p
伊麵丹,
南韓人自尊心好強,
成日覺得別人會睇少佢哋,
所以連中國啲古人和歷史都攞埋黎用,
用心係強調自己歷史係別於中國,
相反仲調轉頭來影響返中國,
諗返都覺得好笑!
space,
你講出了另一面的意見,
大國經濟入侵,
對小農有強烈的影響,
反對是可以理解,
但示威抗議不可暴力,
政府官員一方面面對美國壓力,
另一方面又要面對"自衛心"極強嘅人民,
就算總辭都無補於事,
下一個政府一樣會面對同樣樣嘅問題,
除非封閉國家,不同外國貿易,
否則問題總是要面對的!
微豆,
自由貿易是一個複雜的問題,
原意是非常好的,
可惜WTO被少數經濟大國如美國所控制,
從而變成一個"侵略小國經濟",強迫開放市場的機構,
所以才會有那麼多人民反對WTO,
如果小國人民不出聲,
恐怕世界經濟只會繼續操控於少數強國手中,
小國人民的生活亦只會愈來愈差了!
天使,
佢哋都有原因嘅,
只因完全開放市場會扼殺大量本土小農生活,
但我都不同意用暴力解決問題,
有時都覺得韓國人有點野蠻!
新鮮人，你真係知我心意～
不過如果有個副局長做下，都唔驅0既，哈哈！（流口水添）
豆豆,
咁我同你爭嘞,
做高官要好好對待我哋啲蟻民喎!
預祝你成功先! =P
多謝閣下支持，我到時一定會「做好呢份工」0既!哈哈
發佈留言