"Do not wait for the future to come to you...face the future!"
這楝由Dr. David Fisher設計的"扭扭大廈"將會於2010年在杜拜建成,
顧名思意,它的最大賣點當然係每一層都可以獨立轉動,
大約每三小時就可以轉動一週圈,
所以整楝大廈會出現變化萬千的型態,
而且住客一定可以包覽全360度海景,
可稱全球最先進豪華的豪宅!
這楝"扭扭大廈"高1380呎,
分成有80層,
地下至20樓是辦工室,
21-35樓是酒店,
35-70是住宅,
而最高的10層則是一層一個單位的豪華別墅.
住宅面積由1,330-12.900平方呎,
而且大部單位都內置一個室內車位,
相信不是每一個豪宅都能夠做到的!
而價錢方面當然"厲害"了,
預計住宅售價大約由 370萬 至 3600萬左右,
不過是美金唔係港幣喎,
住得入去嘅真係非富則貴了!
這楝"扭扭大廈"另一個賣點就是"環保",
建築師Dr. David Fisher在每層中間設置了一組風葉渦輪,
利用全楝79個渦輪收集風力,
不單可以做到能源自給自足,
還足夠輸給附近幾楝大廈使用!
對於這點我是有些懷疑的,
每層中間的位置不是很多,
究竟是否真的可以接收到足夠的風力呢?
杜拜雖然身處沙漠,
但是否全年都有強烈的風力來推動全部79組風力渦輪呢?
另外,除非這楝大廈週圍全無建築物,
否則在下層的風力渦輪又會否給旁邊的建築物阻擋呢?
這楝大廈在建築方面亦有相當大膽創新,
全楝大廈的樓層主要組成部份都是預先在意大利組裝,
運到杜拜後就好似砌積木咁砌,
這樣不單大量減少地盤工人數量,
而且建築時間更由以往6星1層大幅減短到1星期1層,
從而把建築成本減少10%!
Dr. David Fisher現正計劃於莫斯科興建另一楝"扭扭大廈",
而第三楝則可能會在美國紐約,
如果大家真係有興趣買的話,
可以電郵到以下地址預訂!
dubai@dynamicarchitecture.net.
這個設計創意真是一絶,
看過後有誰不想嘗試呢?
不過我又諗過,
成日住係層轉吓轉吓嘅建築物入面,
唔知會唔會搞到耳水不平衡呢?
又會唔會搞到腳浮浮唔舒服呢?
另外,
除非你住頂嗰十層(一層一個單位),
自己話哂事,想幾時轉都得,
咁一層有幾個單位嗰啲又點呢?
一個話轉另一個話唔轉,
係咪猜包剪鎚做決定呢?
仲有地震問題呢?
雖然杜拜好少地震啫,
但係唔怕一萬,至怕萬一嘛,
咁高咁扭法可唔可以頂得順地震架?
諗諗吓又好似有好多問題喎,
睇吓睇吓又唔係咁好啫,
咁又係唔係我酸萄葡作怪呢?
資料及圖片來源:
Dynamic Architecture
Shape-shifting skyscraper gives 360 degree views
26 則留言:
係喎，一層幾個單位果啲點辦呢?
呀，動左工未架?
新鮮兄 是 迪珊拿，對設計和結構都很詳盡！
我都早寫好了一篇關于這大樓，
但是從不同觀點出發！
最高十層可以由住戶控制，其餘的都是靠電腦程式來控制的。
小豬,
好似批準咗,
預備中喎!
space,
又會咁啱嘅!!
翔,
係咩?
你係邊度見到架?
我睇咗好多份資料都無提過嘅!!
我最關心係呢個設計係咪真係可以自然能推動.
創意同噱頭無所謂, 但最好唔好浪費能源~
新鮮兄：哈哈哈，真巧！
我個篇個重心就是跟奧斯卡所提類同，
吾道不孤，不日登出！
好正喎!
但最勁係諗出黎0個個，Idea攞晒分!
我都睇報紙介紹過，真係好勁!
不過係得杜拜先有閒錢做d咁既野。
oscar,
我都有咁嘅擔心,
不過暫時未有數據看到它是否真的可以做到佢講嘅"環保",
可能要等它建成後才清楚了!
space,
一切都要看數據,
現在有辨法有實則定論住!
豆豆,
同意,
個idea真係好搶眼,
實唔實用就無人理了!
yanyan,
杜拜係用"石油堆砌"出黎嘅城市,
係入面住嘅當然係非富則貴,
亦都會有好多閒錢起哩啲咁嘅"豪宅"了!
我家的附近也會興建類似的高層住宅
Absolute Condo，美不美就見仁見智了！会成為地標之一卻是真的！
MC~
0係東方日報睇到咋~
mc,
最高那座係唔係又會每層獨立轉動架?
套片又無乜提過喎!
這個"樓盤"廣告好似講到個屋苑入便乜都有喎,
但係我又覺得加拿大啲大自然仲有吸引加啦,
做乜要困住自己係室內或者一個屋苑入便喎?
出去行吓唔係仲好咩?
翔,
係咩?
我無睇過,
如果係咁都幾好吖,
唔洗爭嘛!
believe there maybe some hiccups during the building process. but still this is really cool!!!!
Imak,
這是一個大膽的設計,
相信建築其間一定會有好大問題出現,
而杜拜是一個由金錢堆砌而成的都市,
亦只有這些地方才會有人可以負擔這種昂貴而"過癮"的建築物,
我們這些普通人就只可以觀賞而不可以嘗試了!
I read about this on the newspaper too but your post provided more detail. I don't care about the potential problem with this design. I just wanna see this creation in person someday.
豆腐花,
我都想親身睇吓呀,
亦都唔會太擔心佢嘅問題,
因為我唔會夠錢買囉,
哈哈哈~~~~ =p
如果佢變左做軍事基地
每層都係個Missle launcher或停機砰
中間係個太空穿梭機發射站
地底係個軍火庫兼兵工廠...
咁就真係極有威脅
咁諗有D似當年二戰德軍既Flak Tower...
伊麵丹,
咁都俾你諗到,
你真係"好嘢",
水能載舟亦能覆舟,
人類智慧如何運用真是好重要!
Interesting but I want to live in a building that's stable.
ruth,
實則應該stable的,
不過感覺唔stable就真! =)
發佈留言