今早果然掛上了八號風球,
強烈熱帶風暴【北冕】帶來半天(或一天)的假,
相信大部香港人都會覺得很開心,
從前讀書時就是天天想打風,
如今人大了就没有這樣想了!
香港人是奇怪的一群,
如果有颱風在香港附近出現,
大家都會好期望它會走過來,
歸根究底大家都是想放假,
香港人真的那樣討厭上班嗎?
或者應該說香港人是否做着一份自己喜歡的工作呢?
可能有人要說:『邊個會喜歡返工架?』
但工作肯定會佔去你人生的一大部份時間,
如果不喜歡,為何還要入一行自己不喜歡的呢?
如果不喜歡,為何讀大學時要選這科呢?
如果不喜歡,那又何會做得好成績呢?
講得實際一點,不喜歡自己工作的人,
很難會在工作中登上高峰的!
今早不用上班了,
就用這點時間想想吧!
不過我想大部份人只會倒頭再睡,
明朝又是黑口黑面的繼續上一份自己不喜歡的班!
26 則留言:
知道, 謝謝新伯老師教導 :)
依家o係依間公司,
最怕就係打風黑雨.
一返到去..... 慘過地震.....
重慘過唔返...
而家有幾多人鐘意返工呀, 個個都怨天尤人!!
希望颳風, 我想大家應該是希望在平凡乏味的刻板生活中來點不同的遭遇吧? :)
Not that we all hate our jobs. But, it's good to take a break, especially one that's unexpected.
i agree with ruth, i love my job, just that's also good to take a day off unexpectedly. 心理上好似著數左咁!
唔係個個人都有目標or喜歡做既事
我識好多依d人~
返工是為人工罷了
除了趕deadline的時候我不喜歡放假外, 額外的假期,我才無任歡迎.
香港人的工時太長, 間中放個打風假, 未嘗不是好事.
風子姐姐,
不用謝!
哈哈哈~~~ =p
悟樂,
有些工種返風落雨就特別忙,
我想你那行就是其中之一吧!
天使,
所以成世流流長,
一定要揀自己喜歡的行頭呀!
大雄,
你是一個有幻想力的人! =)
ruth,
你是喜歡自己的工作的,
那是可喜可恭,
可惜香港不是人人如是!
imak,
你是一個敬業樂群的人,
從你的文章己知你不是怨天尤人的,
我是十分之欣賞這種態度! =)
不過,有少少貪小便宜的"師奶心態"喎,
哈哈哈~~~~~ =p
yanyan,
所似佢哋做得唔開心囉,
返工望放假囉!
pigbon,
間唔中偷得浮生半日閒是好的,
最緊要能在工作中找到一點樂趣,
唔係長做真係幾辛苦!
一開始便找到喜歡的，又有不錯的人工的工作當然好，但世事豈能盡如人意呢。
正好像北冕吹歪了都掛了一天八號風球，
反而上次風神吹正了但都只掛了半天。
很多事都是我們想不到的。
就算讀喜歡的的科目再出來做有關的工作都可能與自己所預計不同，怎樣都有些落差。即使現在做了一份不喜歡的工作也不要緊吧，人生就是要從錯誤中不斷調整。
最重要的是知自己想怎樣。
這篇文給我很大的感受。我又長氣了~
翔,
唔長氣,
歡迎之致!
針無兩頭利,
邊度有人一出來做嘢就找到自己喜歡,人工又高嘅工作架?
我記得初初出來做嘢時,
從來無計較過人工多少,
亦不會計較工作地點遠近,
也不會理會要不要ot,
最緊要有嘢學就可以,
做得多學得多!
當然首先要知道自己喜歡做什麼,
如果唔知就無辨法了!
hoho
新鮮哥又講道理了
等我都講o下先（其實我都係長氣怪！haha)
我越來越發現，人（尤其是香港人）最喜歡的，是圍在一起討論
1. 自己有多忙
2. 老闆/客人/工作有多差
即是說，
1. 說自己很空閒
2. 說自己工作環境很好
會給人白眼的。
這些情況，我見不少。或者是，大家都會覺得
工一定是不想返的吧？就如你所說的「香港人真的那樣討厭上班嗎」，答案是肯定的。
起碼，在我而言，當我做過一些我真正喜歡的工作，然後又做過一些我不怎樣喜歡的工作後，我完全可以講得出兩者間的分別。可是，對於一些只在乎人工的人，對他們來說，「工作」，就是工作。可能這樣也好，因為不會對工作心掛掛——不過我也認識過一些不喜歡工作但卻又因責任心而對工作十分上心的人——個人覺得這樣的朋友是最慘的。
anyway，我好像真的長氣了點……或者是因為你說的是我最近想的事吧。呵呵！
為什麼要講到唔鐘意返工既人好唔o岩咁?
仲有...目標...為什麼一定係在工作範圍內才叫目標?
我唔鐘意返工, 無鐘意既工作, 在工作上沒有目標...那就代表我是低人一等? 就是沒有出色?
對我來說, 返工真係為人工... 咁都有錯?
人生目標並不只是限於一類...
一向都覺得唔應該成世人都花大部份時間在工作上, 簡直是浪費!!!!
夕,
做到喜歡的工作當然最好,
暫時做不到的,
就大家一齊向目標努力啦!
pegpeg,
我都估到如果你看到這篇會有意見的,
多謝你留言先!
人生目標當然不只是工作,
有些人根本就把工作放在一個不重要的位置,
這絶對無錯!
我指的是那些不知自己想點,
但又不斷一路做一路怨的人,
他們没目標,日日返工黑口黑面,
卻又不作任何planning的人,
他們這樣只會不斷做著自己不喜歡的工作,
自己不開心之餘,
工作又做得唔好,
這才是問題所在,
但如果有目標嘅,
自已不斷努力向前走,
最終都可以逹到自己的目標,
這些人我就十分欣賞囉,
我相信你都是不斷向着自己的目標邁進吧! =)
我更衰. o係8號風球改為3號風球的時候, 我希望今日(Aug 7)天文台會整日出黑色暴雨警告, 放多一日假. 當然, 世事不會如我所想.
walter,
哈哈哈~~
你好貪心喎,
不過兩日唔返,
返到去咪仲多嘢做?
到時就慘囉! =p
人生0既問題真係好難諗，
我諗無人唔想開開心心咁過生活，
and有一份自己熱愛同鍾意0既工作，
但我覺得際遇好緊要，
香港又係一個消費高and複雜0既大城市，
人人都要應付生活，養妻活兒，競爭又大，
我覺得好多人，都係形勢所迫0既～
豆豆,
家家有本難諗的經,
可以嘅就要向著自己的目標進發,
就算唔可以嘅都唔會好似有些人自怨自艾,
咁樣做嘅人我唔欣賞啊!
發佈留言