圖片:【蘋果日報】
一個八號風球搞亂了中六收生的第二日程序,
雖然昨天八號風球高掛,
但不少家長早已通宵在學校門口輪候,
(部份子女卻還睡在舒服的床上)
捱了一整晚的風雨,
家長,學生們又凍又餓,
可是八號風球學校不開門,
教統局又話延遲收生一日,
但大部份人都不願離開,
恐怕離開了就失去了學位.
早知如此何必當初,
一早勤力啲咪唔洗捱更抵夜囉,
至怕係那些隊就家長排,
自己就仲係屋企瞓到好似隻死豬嗰啲,
自己嘅責任都要由家長負,
有些家長還自動請纓幫佢哋排通宵,
去夜街又唔見佢哋叫埋家長去喎,
哩班會考生睇怕都唔會吸收教訓了!
究竟校長應否致電校工讓家長和學生們入內避雨和登記?
如果這樣做對没有來排隊的會考生公平嗎?
昨天電視新聞訪問了一個排隊的會考生,
他說自己"Hea"了一年,
今次捱着風雨排隊當是補賞,
哈.哈.哈...
小朋友你係咪打風打壞個腦呀?
哩個世界邊有咁平宜架,
捱一晚通宵就可以補賞高中兩年嘅時光?
你估好似排奧運鈔咁就得咩?
做事hea吓hea就以為可以輕易過關?
你再抱住咁嘅態度做人,
就算畀你讀到中六都無用,
將來做嘢有排你"受"呀!
24 則留言:
Please excuse my ignorance: Were they waiting for application forms?
微豆,
中學校門口!
有些人排了一個通宵!
唉, 試問有這樣"偉大"的家長仲可以期望有怎樣的下一代.
非常贊同呀旦係之前得向世界出發中說現在香港的新一代最缺乏的就是承擔和problem solving 的attitude.
識話自己Hea左一年, 捱風抵雨去排隊要中六學位係補償o個位哥仔, 雖然係好天真好傻, 不過佢算係後知後覺, 總比o個d不知不覺以為無書讀味出去做麥記搵錢不知搵食艱難o既好得多.
木頭狗,
而家好多家長太寵嘅子女了,
咁樣反而害咗佢哋,
搞到啲學生全無面對難題嘅能力,
無知嘅父母都要負上很大的責任呀!
walter,
都可以咁講,
叫做好過無,
不過唔知佢明唔明咁做係無補於事呢?
六個字: 超低能, 勁攪笑
我睇到新聞個家長話咩[教育精神去左邊], 乜教育精神就係要教肓局/學校就範?
講開又講, 而家14分上中六個D, AL都係危危乎
天使,
講"教育精神"嗰班唔知有無問吓自己花咗幾多時間去讀書呢?
真"掉假"!
嘿, 口賤講句: 考好D就唔駛老豆老母去比颱風打壞腦啦, 原校收鬼左仲駛去訓街!?
依家個個都以為"排隊"就可以能醫百病的了.
傻曬~~~
It's the problem of the parents. They want to show off how much they care about their children. Yet, they never teach them well in the very beginning.
我不知道大家可會想到這是香港教育制度的問題? 最好的資源都不再是留給普羅大衆了，基本上若你不幸地入不到一間好的中學，能發圍的機會根本不多(我是私校仔，所以我明當中事倍功半的困難)，亦沒有競爭力，當沒有太多選擇時，佢地可以點？
至於那排隊的會考生，說自己"Hea"了一年，但他起碼醒覺不能長此下去，誰人年少時無過? 能為自己爭取已是邁進了一大步！
MC~
又唔好咁講, 人地咁樣冒風雨排隊其實都好辛苦.
佢呢個時候知錯, 好過安安穩穩上中六後繼續hea. 仲要對住新聞講出口, 佢係有自己既決心既.
我就係會考碌過後繼續hea埋中六中七既好例子. 我第一次既AL成績其實未至於差到無offer; 但因為自己太hea, 連JUPAS都亂揀, 結果咪要repeat.
前2年我細佬會考勁炒, 佢自己臨時半夜去學校排隊排通宵, 結果分數未到, 報都無得報. 講真我知道後覺得好心up.
D家長咁樣幫仔女排隊當然係溺愛, 但如果係D同學仔自願去捱苦搏個學位, 其實係值得同情既.
好典型既香港小朋友
問題不是自己去解決，而係去麻煩人
當年我因為要聽校，阿媽都問我駛唔駛幫我排定隊~
我當然話唔駛，一來唔想煩人，二來唔夠分就無得讀，排來做咩~
如果係咁想讀書既就早d溫書啦，會考14分跟本就唔難。
天使,
唔係吖,
你講嘅係事實!
無錯噃!
悟樂,
早知如此,
何必當初!
ruth,
父母唔識教,
社會風氣又唔好,
教都唔聽,
結果自己付出了青春和時間囉!
mc,
我唔同意你嘅看法,
政府每年給教育的資源是愈來愈多的,
當然教育制度是有不少改善的地方,
但都要啲學生讀書先得架,
哩班連十三四分都攞唔到嘅學生,
又何曾花上足夠嘅時間去温習呢?
唔可以乜都懶政府嘅!
另外,
我都唔覺讀私校或名學的學生才有前途,
這是從前英國殖民政制下的尖子想法,
要成功當然不單靠讀不讀名校,
而最重要係自己有努力過,
要有承擔要有能力面對問題,
這與讀什麼學校無直接關係,
這是做人態度問題,
你話佢哋無乜選擇,
如果當初勤力一點就唔會無得揀啦!
現在不是要他們考廿幾三十分喎,
十三四分以上都極有可能入到中六啦!
那個"hea"了一年的會考生表面好似是後悔知錯,
但實際在佢根本無吸收教訓,
如果他真是明白,
就唔會講番咁嘅說話,
不如返屋企預備repeat f5,
咁嘅成績(12-13分)入到中六都好難跟得上,
佢應該做好根基再來過才是正路!
oscar,
而家係要佢哋學習如何面對自己嘅責任,
懶惰就要重讀,
免強升上去,
根基打得唔好都讀得唔會好,
你中五時成績根本好過佢哋好多,
所以唔同佢哋,
佢哋嘅能力可能跟不上六的課程啊!
至於是否捱吓排隊就是後悔?
我唔多同意,
就以往好多例子可見,
後悔一兩個星期又故態復萌,
他們的懶散不想面對責任性格又會又出現,
這是現今青少年的問題,
父母家長以至社會風氣造就了一班逃避責任的新一代!
yanyan,
我好欣賞你自強不息的態度,
衷心讚賞! =)
有條友話
「學位唔係先到先得」
但D籌係:)
伊麵丹,
係吖,
遊戲規則就係咁,
所以唔努力係要付出代價囉!
香港0既將來，要交托俾呢班後生仔，
情況真係唔多樂觀....
豆豆,
直情教人擔心呀! =(
發佈留言