廣告哩樣嘢真係有真有假,
有時真係唔知邊句先係真,
好似啲護膚品廣告,
一大堆英文專門名詞,
又話有實驗証明,
又話係專家硏發,
都唔知係真唔係,
用完有無效鬼知咩?
可能係心理作用多過實際功效!
又好似啲嬰兒奶粉,
又DHA,又DHE,又乜嘢A+,B+....
一大堆名詞都唔知佢講乜?
有幾多個家長真係明佢講乜喎?
食完係咪可以聰明啲,可以做太空人呢?
係咪唔得有錢賠先?
佢哋廣告講乜都得,
政府又無監管喎,
真係"是但噏,當秘笈",
過咗海就神仙,
錢入咗袋懶理!
所以話哩,
唔係人講就信呀,
好多人真係得把口架,
當你要作出選擇時真係要睇清楚呀,
最好就係睇吓佢哋之前有無做到嘢囉,
我講緊乜?
你諗吓就明啦!
哈哈哈~~~~~~
8 則留言:
Yes, I will be at the poll in October.
微豆,
香港嘅就係明天了!
嘩眾取寵姐
大笑係可以令面部同腹部肌肉抽搐
但係圖中「一次」既定義好模糊
效果亦無法囊括曬所有「運動」
各大機構成日用咁既手法宣傳誤導大眾
D人對各種事物又點會有正確既認識
又或者連宣傳部門、高層們根本就唔識
只係一堆無常識、無見識既社會垃圾
伊麵丹,
佢哋嘅真係目的唔係宣揚知識,
而係宣傳自己間公司,
逹到目的咪得囉,
洗乜理係唔係啱喎!
我都想咁容易.
如果係真, D笑片應該賣得貴過瘦身療程.
唔喜歡呢D嘩眾取寵既標語.
擺明亂講黎吸引視線, 太cheap.
osacr,
廣告只求出位,
不求真實! =p
無錯，啲廣告成日系度玩心理，
好多都係搵笨實，
睇得多都中毒呀！
豆豆,
上面嗰個港鐵廣告就係其中一個了! =(
發佈留言