唔講又講!

昨天為數百多人示威者到將軍澳蘋果日報門口示威,
抗議【蘋果日報】日前報稱有內地官員"利誘"各地民眾,
只要能呼籲在港親友投"愛黨愛國"的待選人就可以加快來港伸請!
抗議人仕還說投票給"能幫助自己"的待選人有何不對,
恕我老實,
我覺得哩班人唔係儍瓜就係背後有人操控了!

首先,
【蘋果日報】所言的真確性還未証實,
如果係假嘅,
我贊成啲議員一定要告到佢哋甩褲喎,
但係點解到而家都無一個被影射嘅出黎表態呢?
其實,
【蘋果】點講又真係會影響到原本嘅伸請程序咩?
咁快就有人唔理三七廿一衝出黎抗議?
你話無人背後煽風點火都唔信啦!
立法局議員又真係有能力幫助到你加快批核?
如果真係得嘅,咁咪積係賄選囉,
咁樣就証明【蘋果日報】講嘅係真囉!
如果唔係嗰回事嘅,
你哋又有必要投畀嗰班"愛黨愛國"嘅侍選人咩?

各位示威人仕咪咁儍啦,
你哋記唔記得當年係邊個支持人大釋法嘅呢?
人大釋法後嘅結果咪係你哋啲親人無得話落就落吖?
你哋記唔記得當年邊班議員最大力支持人大釋法吖?
你哋而家反而投票畀班當年有份贊成釋法嘅侍選人?
佢哋真係會真心幫到你哋?
信嗰個都笨過大笨蕉呀!
返去諗清楚自己點解仲要咁笨做人隻"英犬",
被人利用完都唔會得到自己想要嘅嘢架,
咪咁天真同無知啦,笨蕉!