伊利雪條是我近期發現到的美味甜品，
早兩個月我才買過一兩次來吃，
但原來美味背後隱藏着"殺機"，
伊利部份奶品亦測出含有三聚氰氨，
不知自己個腎有無受到影響呢?
對中國的所以產品已經完全失去信心!
繼"三鹿奶粉"証實含有三聚氰氨後，
國家檢測局再發現內地22個奶類品牌有相同問題，
其中竟然包括了伊利、蒙牛這兩個大牌子，
上圖的伊利"果粒酸奶雪條"也正是有問題的產品之一。
這些含有三聚氰氨的奶類製品不單分銷全國，
在本港以至國外都有傾銷，
相信今次事件會進一步打擊國家產品聲譽，
以後人家再對國貨說三道四時，
我們亦無從辯駁，
因為國產的信譽已經掉到深深的谷底了!
在今次事件中，
又再次看到香港政府的"遲頓反應"，
國家衛生局己經下令相關有問題產品下架、回收、存封，
但香港政府到現在還没有給市民一個清楚的指引，
亦没有明確規定所有零售商一定要下架、回收，
市民根本不確定什麼牌子的什麼產品種類有問題，
這樣不是叫人無所適從嗎?
雖然部份超市如惠康、吉之島已自動把相關產品下架，
但要知道現在有問題的不是一般消費品，
而是食進嬰兒和大人肚裏的食品呀，
作為一個負責任的政府是不是應該要主動發放消息和指令零售回收呢?
相關文章:
生命"無"價!
18 則留言:
There seems to be a lack of clear accountability on the part of government officials and corporate owners in the areas of risk assessment and risk management. All the bad news is going to hurt the reputation of Chinese products destined for the domestic and international markets.
好彩我好耐無飲奶0者，
不過我鍾意食芝士喎，
唔知有無奶野...=口=
而家香港只可以人心惶惶, 希望無中毒.
近排我成日飲"統一"既茉莉綠茶, 希望唔會忽然有日又話有化學毒物...
我因為還未戒奶，
時常飲盒裝鮮奶，
好似都有試過買，
蒙牛鮮奶飲過添，
呢家個心囉囉攣，
需不需要驗腎石！
I have tried to avoid "made in China" food. But guess there's no way to avoid completely.
微豆,
今次事件對國貨的信譽可謂雪上加霜,
本來大家對國貨的信心已經偏低了,
而家就更加不相信了!
一來可見內地政府對主要食品的監管出現了嚴重漏洞,
另一方面再次証實香港政府的遲頓無能,
市民真係要非常小心選購食品,
否則真係好易中招,
自求多福了! =(
豆豆,
而家唔單止對奶類產品怕怕,
就算對其他國產食品都有介心,
真係唔敢食咁多,
都有無可能完全避開喎,
唉~~~~~
oscar,
對國貨信心更下一成,
以後都是少飲為妙了!
space,
我一向都唔飲國產奶品,
因為奶品不衛生的話是最容易滋生細菌的,
所以我從來都不會嘗試蒙牛,
以後亦都唔會試了!
你都少飲為妙,
遲啲唔知又會唔會驗出什麼其他問題呀!
ruth,
而家對國產食品真係失哂信心了,
不過就如你說,
我們無可以完全避開中國食物的,
唯有少食為妙了! =(
國產食品出問題都不是第一日發生啦.
一早就失哂信心...我都化哂..
【新華社專訊】中國國務院辦公廳今日發出關於廢止食品品質免檢制度的通知。
通知說，為了保證食品品質安全，維護人民群眾身體健康，國務院決定廢止１９９９年１２月５日發布的《國務院關於進一步加強產品品質工作若干問題的決定》(國發〔１９９９〕２４號)中有關食品品質免檢制度的內容。
通知要求各地區、各部門一定要切實加強領導，狠抓落實，嚴格履行職責，按照有關食品品質安全的法律、法規加強對食品品質安全的檢驗和監督檢查，確保食品品質安全。
另悉，國家質檢總局今日公布第１０９號總局令，決定自公布之日起，對《產品免於品質監督檢查管理辦法》(國家品質監督檢驗檢疫總局令第９號)予以廢止。
end quoting
咁1999年近十年來都沒有檢查過，
連抽樣檢查都不用，唉！唉！唉！
space,
据我所知係中央只對一些品質有保証的大機構進行免檢,
但唔知係咪全部定或是某部份產品了,
但問題係:
1) 中國廠的品檢一向不為人所信懶
2) 中國人一向馬夫求其的陃習
3) 有些中國人會不顧一切從中貪污取利
4) 官商勾結,品檢有等於無
以上等等都引至係中國不可能實施免檢這種制度,
無講免檢吖,
就算"有檢"都未必信得過,
咁多貪官,檢完都唔知真定假,
積習難改,
又話畀啲時間佢哋改進,
愈黎愈離舖就真,
死性是改不了的,
我唔信會愈來愈好,
愈來愈差就真,
除非改變到貪財成性的性格啦,
老實講,點可能吖?
我以後都盡量少用國貨了!
你新
相鮮
信兄
會 ：
冇
事
嗎
？
【明報專訊】內地傳媒揭出三聚氰胺除了為害奶粉外，其廢渣「蛋白精」還被攙入動物飼料，在行內已肆虐多時，牛、羊、豬、禽類及水產飼料中都有。「蛋白精」成分中70%就是三聚氰胺，將每噸僅600元的成本價，最高升至4000元售出，大發不義之財。
「蛋白精」的成分中70%是三聚氰胺，每攙入1%「蛋白精」可使蛋白質檢測結果增加4%。本報記者昨日上網搜索發現，現時仍有大量企業出售蛋白精，以來自河北、山東為主。這些「蛋白精」多數是粉末狀，號稱「蛋白質含量160%至300%」，還含有氨基酸維生素。
據《南方農村報》引述業內人士透露，化工企業在製成三聚氰胺後，本應請專業的環保公司處理廢渣，但由於費用高昂，大多數企業就偷偷將廢渣銷售給飼料原料行業，自5年前已來漸漸成為「潛規則」。而飼料原料供應商購買三聚氰胺廢渣後，包裝成「蛋白精」出售給飼料生產廠，飼料廠再製成飼料出售給養殖場。去年全國共約生產三聚氰胺72萬噸，廢渣出廠價格為每噸600至800元，但「蛋白精」售價最高可達4000元。
專家稱人類不會有事
專家稱，三聚氰胺沒有任何營養，毒性輕微，由於牛羊等大型動物代謝能力強，即使食用了含有三聚氰胺的飼料後亦不會引發泌尿結石，只會作為廢物被排出動物體外，人類再食用其肉類、乳製品、蛋類亦不會有事。
SPACE,
一句講哂:"唔信!"
信嗰個都有問題,
啲所謂專家都唔知收咗幾多錢,
佢哋啲子女會唔會飲國產奶品吖?
新鮮兄：
啲肉食用牛羊豬，被喂食三聚氰胺廢渣「蛋白精」飼料！
我地香港每天都是入口內地牛羊豬，在街市超市肉檔出售。
睇呢唯有要食安格斯牛扒，澳洲和牛，日本黑豬，至得嘞！
Quoting:
專家稱人類不會有事
專家稱，三聚氰胺沒有任何營養，毒性輕微，由於牛羊等大型動物代謝能力強，即使食用了含有三聚氰胺的飼料後亦不會引發泌尿結石，只會作為廢物被排出動物體外，人類再食用其肉類、乳製品、蛋類亦不會有事。
space,
我都知好難,
食又死唔食又死,
邊度有咁多錢食外國貨吖,
唯有食少啲,
唔會咁快中招囉!
啲所謂專家都唔知乜人黎,
可能都係政府啲喉舌,
講埋啲咁唔負責任嘅言論,
鬼唔望佢哋生仔無蘿友呀!
發佈留言