佢都有今日囉!

中信"太"富單嘢好明顯有人包庇親人，
九月初已經知道出事了，
但卻遲遲拖到昨天才公報，
獨立股評人David Webb的比喻講得好，
"那裏有人待調查黑盒完成後才公佈發生飛機出事呢?"
其間究竟發生過什麼事呢?
有無人想從中脫罪呢?
最慘就是小股民，
死咗都唔知發生什麼事呀!

不過而家我反而想起東區隧道，
還記得幾年前由於東隧狂加隧道費，
但政府對事件又無能為力喎，
於是有人提意政府回購東隧，
我記得好清楚當時"太富主席"好大口氣咁話:
『現今無意出售東隧，反而有興趣收購紅隧!』
條友真得"吋"到飛起，
好嘞，今次被自己親人火燒後欄嘞，
蝕到"眼坦坦"兼要出售"大槍"套現救亡，
我提意政府最好而家"襯佢病攞佢命"，
快快手手軟硬兼施買返條東隧回來，
一來政府唔洗再仰人鼻息，
二來揸車過東隧嘅司機又唔洗再畀人"禁"住搶，
此時唔郁手更待何時?
睇吓個"白頭肥佬"以後講嘢仲會唔會咁"吋"。

單嘢其實仲未完，
內裏應該還有好多不為人知嘅秘密，
商業調查科、政監署、廉署等等應該深人調查，
一定唔好畀人求其揾個"替死鬼"出黎頂檔就算數，
否則對啲小股民真係好唔公道呀!