我看無綫電視!

我是看無綫電視長大的，
可以講我是她的粉絲，
你問我係咪所有無綫啲節目都好睇?
我梗係唔會話係，
你問我無綫啲節目係咪好有藝術性?
我可以話你知答案係"NO"，
而且大部份都係跟着市場口味嘅肥皂劇，
婆婆媽媽"情情塔塔三複被"多的是，
但係是否這樣就可以對她施以輕視的眼光呢?

如果你是在香港長大的，
有誰可以否認自己是係無綫電視薰陶下成長呢?
好多有"文化"有"學識"的雅士都時常猛烈批評無綫的節目，
批評她的節目煽情、犯駁、低俗、無文化......
我承認無綫的節目應該再多源化啲，
而且還有好多好多的空間可以改善，
但我同樣認同她對廣播事業所曾作用的貢獻，
試想想我們小時候如果没有無綫電視，
我們的童年是多麼的空虛和寂寞呢?
我們茶餘飯後又可以講什麼呢?
難道要我們講老子、莊子、詩經、楚辭、八大山人定係畢家索?
再唔係我們會有興趣看芭蕾舞、利大意歌劇嗎?
如果你是在這種文化環境下長大的，
對不起了，我和你唔啱嘴形搭不上咀了!

有些人時常會標榜自己是看"西劇"長大的，
我這個香港仔細個間唔中都有睇吓，
現在有時都會追吓明珠台嘅美國"肥皂劇"，
部份香港人把"西劇"托到天咁高，
講真有些"西劇"咪又係啲家族鬥爭、金錢世界、男女情懷，
你話佢哋啲編劇做得好啲我又唔多覺喎，
話哂香港人寫香港劇有香港情懷和味道，
你睇吓"家好月圓"入面啲對白，
集集精彩、句句絶核，
睇完包你拍案叫絶，
你叫啲荷里活編劇都絶對寫唔出呀。
人家有人家的好，
我們有我們的特色，
不要貶低自己人來看!

論演技中西各有勁人，
近年我比較喜歡Morgan Freeman，
他雙眼有神，像會說話，
而且說話聲線雄渾有說服力。
回看我們昨晚的萬千光輝演藝大獎 秦沛，
入行六十年同樣演活萬千角色，
功力絶不遜於外國人;
年青的如最佳男配角黎耀祥，
他默默工作十多年，
雖然未算爐火純青，
但演技已有一定的水準，
以上種種不是說明本地製作的節目亦有可觀性嗎?
就算不是無綫的功勞也不可以滅視這群一直努力工作的演藝人員吧?
你可以話我"朽木不可雕"見識淺薄，
我都喜歡看Discovery Channel啲動物片，
不過我窮無裝收費頻道無得看。
我們始終是看無綫電視長大的，
她的文化可以說就是六七年代開始的香港文化，
我們和她是有割不開的關係，
這是鐵一般的事實!