2008年12月13日

工人階級萬歲!


減人工?
NO WAY!
減福利?
NO WAY!
要我們和美國日資車廠同工同酬?
NO WAY!
要減人工就等三年後我們合約完結後再談吧!
我們絶不低頭,
工人階級萬歲!

其實他們明不明白"NO WAY!"的另一個解釋是什麼呢?
養着一班目光短淺自以為是的工人,
加上無限擴大福利和控制成本失衡,
唔怪得美資車廠走勢如江河日下了,
佢哋遲早等公司摺埋攞失業津貼啦!
嗰班工會睇死政府唔敢畀車廠執笠,
實行企硬話之你唔肯減人工減福利,
最悲啲係啲納稅人要畀錢救班白癡!

13 則留言:

匿名 說...

香港夠打算加大綜援的金額,
喺大多數中小企大企業執笠,
在到處都講緊:
裁人layoff減薪共渡時艱之時,
唔使做唔使捱嘅就加攞更多。

最悲慘嘅喺仲要做仲要捱啲納稅人!

新鮮人 說...

space,
請不要把兩者混為一談,
三大車廠的人工高市場好多,
理應要減的!

綜緩是否加又是另一個問題,
我們要看看實則數據才可以批評,
你有看過現在一般受助個案的經濟數據嗎?
唔好一味話唔應該,
要把真係要受幫助和那些懶鬼分開,
否則你咁講係唔公平嘅!

~我只係蛋散~ 說...

新鮮:

我絕對同意你所講既,特別因為我係其中一個救緊呢班白癡既納稅人,其實就算佢地肯減薪減福利,實質作用不大,因為都仲有一班退休人士需要處理,佢地就算退左休,好似香港以前既警務人員咁,有長糧同福利...由於工人成本太高,變相黎講,佢地D車quality vs. price黎講,比日本車仲要貴,E+美國經濟已經唔好,莫講話買車啦,買菜都諗過度過啦,就算今次比佢地過到骨,其實咪一樣係等死,根本美國政府救黎都多餘...

新鮮人 說...

~我只係蛋散~,
我都有聽聞美國車廠要付擔大量退休工人的開資,
這樣的制度真是要檢討一吓,
否則就如你所說救得一時唔救得一世,
結果都係會給外國的車廠比下去,
結業只是遲早的事了!

Hyacinthus 說...

hey,邊有咁gam,你張相係人工整合 =)
唔祗車廠,這個世代有很多人人工都高過市價很多,如那些剛剛摺埋既投資銀行等,一年花紅經已是我地既半世人工云云 ...

新鮮人 說...

風子,
摺咗咪啱囉,
起碼唔會好似哩班大食懶車廠工人咁,
以為人多政府就要就哂佢哋,
死都唔減人工減福利,
最慘係要用納稅人啲錢黎救車廠嘛,
係你嘅話你順唔順氣吖?

Hyacinthus 說...

但而家唔係順唔順氣既問題了...

政府若唔出手,三大車廠會破產的,影響的不祗是這一班懶人,還有更多因此行業而生的企業,他們的人數遠比這些懶人多,影響更為深遠,這便是所為的一髮動全身的問題!也是為何奧巴馬為何未上任經已出動四出遊說!

今日祗要145億便可暫時止血,機會一過,他日大可能要用上2700億來解決因三大車廠會破產的衍生的問題,過程漫長而痛苦的,且大有可能車這一行業從此在米國消失,那時又要多十幾個年頭才能重新建立如GM/Ford的品牌呢?

個人覺得,先解決燃眉之急,再將之納入國有,日後由政府重新整頓磨合,既可保存整個行業利益,也有主權重新改革這不合時宜的風氣,這班自以為事的白癡就祝他們好運了~

新鮮人 說...

風子,
問題就是點救囉,
將之列入國有未必是好事,
你看看兩房就是例子了,
錢紙有去無入,
現在如不能令那班工會屈服,
恐怕事後就更難了,
我覺得一定要先下手為強,
點都要迫佢哋減人工,
免得將來更難說話!

~我只係蛋散~ 說...

風子,
政府E+只係話減下人工,希望佢地筆$$可以用耐D,佢地工會都可以咁決絕,你估下如果真係話收歸國有,可想而知佢地反應應該更激烈...到時分分鐘3大車廠黎個大罷工都似! 其實E+最無辜既係車廠,夾左係工會同政府中間做磨心...

Hyacinthus 說...

根據上一回AIG的理論,死唔去最緊有以下要點:
1)企業本身要夠大,跨國是必然的;
2)受影響不祗企業本身,要及至每個人;
3)倒閉事少,因其受牽扯的要以10倍計算;
4)出事前後的代價差異愈大愈好;
5)揚開件事,讓所有人都知道;
感覺上,就如遇上壞人搶劫,明知其壞你仍要俾錢,重要好好照顧佢,免得其再行差踏錯,連累街坊云云. :(

新鮮人 說...

風子,
幫佢無問題,
但係佢哋一日唔改制一日都係死路一條,
救得幾多次呢?

~我只係蛋散~ 說...

同意,幫佢地唔係問題,政府都唔想睇住一下子又有6個位數字既人失業,所以政府先會出手. 可惜E+問題係呢班工會實在係得寸進尺,大家都係共度難關既時刻,但係佢地1D都唔肯讓步囉....

新鮮人 說...

~我只係蛋散~,
所以佢哋係一班自私自利又不識時勢嘅"白癡"囉,
救佢哋真係唔甘心呀!