2008年12月14日

香皂


不知道從何時開始大家都放棄了番皂,
取而代之的是一枝枝的皂液了。

很久以前是用"勞工牌番皂"的,
洗衫洗手冲涼都是用它,
又粗又"鞋"又傷皮膚,
冬天用過後全身痕癢。
後來生活進步了轉用力士、加信士等,
感覺"fine"好多又無咁傷皮膚,
但最大的問題是那時的香皂都是一塊塊的,
用後又濕又黏,感覺不是很衛生,
尤其是一家大細都是共用一塊,
當大家把整塊香皂拿在手上擦身時,
總會有機會把身上的體毛黏到香皂上,
事後又要小心的把毛髮逐條挑出來,
而且全家都是用同一塊肥皂好像有點不雅,
但又無可能一人用一塊的吧?
所以用肥皂實在有點麻煩和嘔心。

近年發明了皂液或沐浴露真是方便,
只要一按到手裏就可以塗到身上,
而且又不會沾到別人用過的感覺,
方便又衛生,真的聰明!
話雖如此,
我還是十分懷念小時候用力士的歲月,
那種香味和拿在手裏的實在感,
是現在皂液没法可以取代的!

16 則留言:

the inner space 說...

bodyshop 的 薰衣草 lavender 味沐浴液 bath lotion, 唔錯吖,洗完澡好耐都仲香噴噴!

新鮮人 說...

space,
我家裏是用dove的!
薰衣草味不是我杯茶,
怕怕! =_____=!!

詭異的木頭狗 說...

除了沐浴外,我還記得小學時有一堂美術堂是要用一塊勞工皂來雕刻,做了甚麼就不記得了,但仍然印象深刻.

新鮮人 說...

木頭狗,
是天鵝嗎?
從前見過,
不過我無學過啊!

梁巔巔 說...

皂液, 洗極都滑潺潺.

香皂, 我一直在用. 至愛力仕同以前嘅 Zest!

新鮮人 說...

巔兄,
zest初出時真係畀佢陣味搶哂架,
好濃好吸引,
zest而家仲有無呢?

梁巔巔 說...

非常可惜, 已消失喇! 唉~

新鮮人 說...

巔兄,
真係好可惜,
好多東西只有留在回憶裏!

魔法豆 說...

我識得有朋友而家都係用香皂沖涼,
因為佢皮膚敏感,
一用皂液就唔掂,
係用香皂至得(可能夠溫和?),
而且香皂而家都唔係好貴,
真係要用都可以自己一舊,
唔洗同人share啦,
出面都有好多唔同款式0既香皂大把人揀,
又唔係好貴,
得閒整返舊懷念下囉!

新鮮人 說...

豆豆,
但係而家啲香皂質數如何呢?
用完會唔會好乾燥呀?

魔法豆 說...

新鮮人,唔會呀,而家都有好多牌子揀,
有dove、lux...唔再係洗衫皂,
超市都有好多選擇,同皂液一樣咁多,
得閒去留意下呀。

新鮮人 說...

豆豆,
謝謝你,
等我留意吓先! =)

安琪兒 說...

唉呀! 我正打算寫一篇關於香皂的文章添! 唔知新鮮兄會唔會以為我抄橋呢?

我係好鍾意用番皂架! 而家都仲有用架^^

安琪兒 說...

P.S. 我知之前點解留唔到喇, 原來一定要寫網址呀...

新鮮人 說...

安琪兒,
點解覺得你"抄"呢,
人人角度不同嘛,
況且我又不是第一個人寫"香皂",
有什麼抄不抄呢?
你寫的我一定會睇架!

知道留不了言的原因後,
咁要多點留言啊! =)

安琪兒 說...

新鮮兄... 我講笑咋...
你最近啲幽默感好似少咗喎...

我會多多留言的喇!!!
老實講, 以前成班blog友, keep住成日睇嘅blog都只係你呢個咋=p