2008年12月19日

我看亞洲電視!


看完Blog友在雜誌上對ATV電視的意見,
自己也來寫寫對她的感覺。

就如從前說過,
我是TVB的粉絲,
由細睇到大的都是TVB,
原因不是因為TVB的節目無懈可擊,
而是對手的節目水準實在太弱了。
記得麥當雄主政時"麗的"(亞視前身)曾經有過什麼"千帆並舉",
當時的"大內群英"、"天龍訣"等劇集打到TVB落花流水,
連正在播出的"輪流轉"都要抽起變陣,
可惜此光景只是曇花一現,
麥當雄一去就打回現形了。
其後多年來斷斷續續都曾經有過一點起色,
但始終都改不了弱台的命運。
曾經有人把原因歸咎於慣性收視,
但亞視電視的節目對觀眾着實起不了吸引力,
尤其是近年紅色資本引入,
亞視在黃金時節播的多是內地劇集,
好像現在播的那套什麼"芸娘",
內容老套又不合香港人口味,
老實講我没有真正看過此套劇集都已覺得好悶了,
又好似早前有一套講媽媽獨力養大孩子的都是悶戲一套,
我不是說這些劇集拍得好不好,
但這類陳年老土劇情那會附合香港人的興趣呢?
把這樣的劇集放在黃金時間播不就是把收視拱手於人嗎?
除了劇集外就連廣告都多是內地國語產物,
什麼"皖酒王"、"雪完美"、"乜山礦泉水"等等,
還有那個"腦輕鬆"和"買盒靜心送畀媽"睇見都想吐呀!
咁嘅節目加上咁嘅廣告,
成個台都唔知搞乜,
唔知以為自己返咗大陸睇電視添,
係人睇見都想立刻轉台點會有收視吖?

亞視近年較可觀的就只要一些資訊性節目,
好像"八大名菜"、"主播天下"、"他鄉的故事"等等都是有水準之作,
在人強我弱又缺少小生花旦的情況下,
亞視只有從這方面才可以殺出一條血路了,
但懇請亞視不要再找那些講唔咸唔淡廣東話的人來做主持了,
我不想看着字幕才明白她們說什麼呀!

相關文章:
哀歌亞視 ~ 梁巔巔
我看無綫電視!

15 則留言:

梁巔巔 說...

多謝捧場支持! :)

另, 我估..... 亞視 "駛" o埋嗰三億, 好大機會玩完....

Hyacinthus 說...

"皖酒王"、"雪完美"、"乜山礦泉水","腦輕鬆"和"買盒靜心送畀媽"睇見都想吐呀!

有時中午係公司吃飯盒,睇午間新聞時送埋呢d野,有時轉台轉慢d都好慘,尢其朱咪咪果個,真係會上腦架 @__________@"

~我只係蛋散~ 說...

我諗我由細到大對ATV都冇咩好感囉,除左節目悶爆之外,就連卡通片配音都喳過人...真係鮮花需好都要綠葉扶持,我諗如果唔係有ATV,我都唔覺得TVB特別好睇囉!

匿名 說...

你無睇我和殭屍有個約會呀?
依套無線真係拍唔到~!
仲有ATV仲有還珠格格~
不過這已經是以前既ATV了

匿名 說...

我和疆師有個約會,劇本應該係好,但一睇見果班藝員...真係似疆吾洗化妝,扮相造型又老土,萬二文得對腳,塊面好似咸煎餅0表情...!

匿名 說...

大家好,電視我吾多鐘意睇,聽晚.褔臨門做冬.我請!

匿名 說...

呀~仲有冬至大抽獎,人人有份獎品係H牌量手袋,特別大獎係Maybeach900防彈防九仔隊7人van一部.以上獎品全部由我大劉私人讚助.記得早的到.5時供候8時入席11時大抽獎.

新鮮人 說...

巔兄,
電視傳媒好有"功能",
到時一定有人幫手集資,
亞視唔會摺埋嘅,
你放心!

新鮮人 說...

風子,
你咪話,
我睇完朱咪咪個廣告都有衝動想去試吓,
話哂香港啲牙醫貴到離哂舖嘛,
好似搶錢咁呀!

新鮮人 說...

~我只係蛋散~
你個綠葉比喻好貼切,
如果亞視一日唔發奮,
無記一日都唔會進步!

新鮮人 說...

yanyan,
疆屍我有睇,
但愈拍愈差,
又是曇花一現囉,
還珠我一集都無睇過,
無乜興趣呀,
不過都是外購劇,
不是自己的作品。

新鮮人 說...

匿名,
各花入各花啦,
疆屍套劇都算係咁了,
不過不失啦!

謝謝光臨!

新鮮人 說...

大劉生,
謝謝你大駕光臨喎,
又請客又搞大抽獎,
真係客氣,
到時我哋成班blog友一定捧場,
你一定要等埋我哋先好開始喎!

哈哈哈哈~~~~

詭異的木頭狗 說...

雖然作為友台, 但我都想亞記爭爭氣氣.就算唔係平分春色,做到7:3比都好呀~
但還看現今局面,唉,我想都幾難了.

新鮮人 說...

木頭狗,
睇黎亞視有排都起唔到,
話唔定有摺埋嘅可能性添!