利是逗來! 哈哈哈~~~

一年中面口最差的日子就是年初四，
因為:
假又放開，
錢又洗完，
仲要返工，
面口點會好吖，
公車上個個黑口黑臉，
唔係未瞓醒就是食咗k咁樣，
人人嘅面口都唔係好老黎!

從前在大公司做嘢，
年初四返工都唔係做嘢嘅，
最大的目的反而係逗利是，
嗰時年紀細面皮成丈厚﹐
平時相熟嘅又好，
無打過招呼又好，
總之結咗婚嘅就唔會放過，
塊面塗咗面懞膏咁個個恭喜發財，
見你笑咪咪咁樣人家又唔好意思唔畀喎，
淨係公司逗逗埋都有幾千銀架。
而其中最期望嘅梗係幾位大老闆啦，
成個部門嘅人排哂隊入去逗利是，
記得其中一個老闆"好賭成性"，
馬場、大海、拉斯維加斯等地留下不少腳毛，
我次次都係同佢講"狗馬亨通，大殺四方"，
佢聽到實笑到見牙唔見眼咁，
唔好睇少嗰幾個老闆呀，
少者二佰一封，
多者五佰一封都有架，
不過就唔係人人都五佰，
要睇吓你講得啱唔啱佢哋聽囉，
我見佢哋枱頭都有兩疊不同嘅利是，
人人排隊入去拜年時，
佢哋有時派左邊有時派右邊，
結果人人唔同，
咁樣積係話你講乜嘢賀年說話係起咗關鍵嘅作用啦，
所以想逗封啲嘅就要摸清啲老闆嘅心理囉。
係就係好似好cheap咁，
但係新年逗利是開心嘛，
不過今時唔同往日，
現在無咗哩枝歌仔唱好耐了!