2009年1月26日

年初一的臭豆腐!


偷影圖片,所以有點模糊。

這臭豆腐檔只在年初一開檔,
上次幫襯是上年的事了,
他賣的臭豆腐外層香脆,
內裏軟熟,
臭味中帶點薰香點,
加點辣椒醬同吃真是美味無窮!
今日見檔前人頭湧湧,
味道雖是臭臭的,
但人群就好像蜜蜂見到蜜糖一樣,
人都一窩蜂的包圍着整個檔口,
我多次想插入去都不成功,
最後只有放棄算了!

離開時見一個菲律賓工人掩着鼻子問她老闆什麼咁臭,
她老闆說是"ugly bean curd",
形容得好貼切啊!
哈哈哈~~~

12 則留言:

michelle 說...

嘩,好想食臭豆腐呀! 現在好似唔係好多檔口了?!

微豆 Haricot 說...

Haha!! I like "ugly bean curd" :)

But, there is NO WAY one can sell the stuff here in this city !!!

the inner space 說...

臭豆腐吾之所愛吃也,
可惜北角檔已消失了,
祇可偶爾經過旺角時,
買來食解解思念之情。
下次到觀塘定要試吃,
這檔是流動檔還是鋪,
懇請新鮮兄指點迷津!

嘿嘿 說...

臭豆腐,丑豆腐,
臭臭香香,丑丑靓靓。

新鮮人 說...

michelle,
估唔到你會喜歡食啊!
係呀, 而家愈來愈少了,
間唔中先至見到一次,
可能會失存了!

新鮮人 說...

微豆,
係加拿大賣臭豆腐實畀人投訢呀,
可能會畀人打添! =p

新鮮人 說...

space,
這檔只在新年一年開一次,
如果你下午過觀塘也許仲可以買到架,
係月華街頭對面行人路!

新鮮人 說...

嘿嘿,
你們那邊有這些東西賣嗎?

嘿嘿 說...

有啊!
前几年有一间(台式)店搞得声声色色,
轰轰烈烈,但没去帮衬过,唔知点啦。

我是在上海时吃到的,
那个“臭”原来就是我喜欢的腐乳味道,
还不错啦。
想象中,买时不可靠得太近炸锅,
给那香味惹上,还得回家冲洗个白白才行,
不然就会像老鼠过街咧!

新鮮人 說...

嘿嘿,
原來如此,
豆腐和腐乳都是用黃豆做的,
所以味道有點相同啊!
其實那陣味都唔係臭,
不少人可以接受到! =p

Hyacinthus 說...

臭豆腐跟某生果一樣,喜愛吃的都會愛死它,每每每提及都欲罷不能,不愛吃的就如過街老鼠,聞到時走都走唔切gam, 哈哈我兩樣都唔gam :(

the inner space 說...

《這檔只在新年一年開一次,
《如果你下午過觀塘也許仲可以買到架,
《係月華街頭對面行人路!

嘩!一年祇需要做一天就搵夠成年,咁叭閉!
噢!錯過了,我下午去了睇戲。唯有留返出年嘞。
正!月華街是福地,有咁多好嘢食!

榴槤和臭豆腐,皆我所欲也!但都不能多吃。前者膽固醇特高,後者要用油炸,
小販用啲萬年油,不能避免,
都是少吃多滋味!