繼早前的黑心蛋後，
早國最新作品是假雞蛋，
假雞蛋全隻都是用化學物質造成，
你都咪話唔佩服佢哋嘅創作力呀，
不過吃了不知會有什麼後遺症了，
中國不愧為「假嘢天堂」，
佢認第二，誰敢認第一?
我唔明白點解連咁cheap嘅貨種都要偽造，
一個幾毫嘅雞蛋、醬油、粉絲都會有假嘢，
花咁多心機搞咁多嘢，
點解唔搞啲高啲利潤嘅嘢呢?
印假銀紙嗰班人就有膽色啦，
我唔係鼓勵別人做犯法嘅事，
但係做埋哩啲雞毛蒜皮嘅假食品實在太低格了，
無大志又害人害物，
哩啲咁嘅人渣捉到一定要嚴懲，
最好坐監之餘餐餐要佢哋食返自己嘅"傑作"就啱嘞!
19 則留言:
蛋這樣便宜...賺得幾多?而且好快穿煲！
又要有蛋殼又要有蛋白又要有蛋黃，咁復雜的工序，人手造不合算，用機器就投資巨大，咁個morale是甚麼呢？薄利多銷？要報服攪報仇？擾亂中國食品品質損害中國名聲？
你講既問題, 我諗左幾年啦!!!!!!!!!!!! 佢地連好平既soap, shampoo , toothpaste 都去假冒架, 幾蚊既野之嘛!
平野夠普及嘛. 數量極大, 滲透度極高.
不過講到底佢地都係折墮.
It is so freaking sad that some Chinese use their intelligences this way~!
這個不算新了, 我兩年前在北京已經在新聞看過了! 我也覺得他們很厲害!!! 如果他們把腦袋用在其他地方可能更發!!!
不過我覺得還是中國的教育制度惹的禍! 就是這麼多人沒有讀書的機會才會出現這麼多假貨, 因為如果這些人有書讀, 可能全都變成發明家貢獻國家了~! <- 純粹說笑, 不過我真的這樣想的XD
3耳,
我都係咁話!
成班衰格到爆! =(
space,
佢哋不為什麼,
只為錢,
道德根本全無,
報仇更加唔係,
只有錢才是目標,
不過他們揀錯了貨種,
太快會被發現嘛!
imak,
只要有錢班人渣就一窩蜂咁去賺,
佢哋根本乜都唔理了!
oscar,
薄利多銷嘛,
但係化同樣嘅工夫係一些高檔嘅商品上可以賺更多嘛,
不過佢哋可以多線發展,
話唔定都要搞高檔手袋假貨喎!
tofufa,
唉~~~
深有同感,
好可惜,
又有點可恥! =(
anmary,
我唔同意你嘅睇法,
人格和知名高低没有必然嘅關係,
我們都見好多高知識嘅"人渣"啦,
例如 NY 班所謂財金巨子,
佢哋咪一定高學歷不過人格低下,
而且不少假貨都要對化學等物質有一定知識才可以造出來的,
相信未讀過書嘅人民無能力做到。
人格不一定要從學校才學到的,
家庭父母嘅教育一樣可以啊!
只是國內人人向錢看,
不些人被金錢蓋了眼睛就做出這種無恥的行為了!
又要有蛋殼又要有蛋白又要有蛋黃，咁復雜的工序，人手造不合算，用機器就投資巨大，每隻蛋成本唔少，要薄利多銷？上千萬萬萬之數噃。 若是為賺錢，個morale唔多合理噃。
若果唔喺要報服攪報仇？睇來是要擾亂中國食品品質損害中國名聲囉，咁復雜個工序，啲機器要好精良，可能是美國佬背後派啲間諜攪嘢！
space,
你嘅論點只是重複上一次的,
你嘅結論只是猜測,
有没有証據呢?
內地假貨之多人人都知,
這正正反映出內地一些貪錢人的行徑,
根本不需要別人來攪嘢,
中國人自己都做緊啦!
多謝新鮮兄咁用心回答我的回應！
我有新論點架！
就喺唔好一口就咬定必是貪財而造啲假蛋，
有既定嘅觀點就會錯判同時不再橫向思考，
暫時只是發現假蛋還未捉到涉及生產疑犯，
找到疑犯找到機器就要追蹤來源幕後黑手。
中國人真係勁！
幾時得閒做個假美國出嚟好喎！
space,
咁你話嘞,
係班貪錢人渣做嘅機會有幾多個%啦??
dozy,
美國就仲未做到出黎,
美國假貨就成行成市了! =p
就是因為大陸人向錢看, 請不要說人人, 我不太喜歡一竹竿打一船人的論調, 而且我在中國生活了兩年跟國內人做生意都超過10年, 他們不是你口中全國都是人渣的. 所以有知識的不會做這等小呃小騙, 因為賺不了大錢. 其實中國人是真的很聰明的, 你給他們知小小, 他們已經可以發揚光大了, 很多東西不需在學校學, 化學知識? 打幾年化工廠的生產工都可以夠用了!
發佈留言