2009年2月21日

同我拖哂班狗官出去斬!

立法會雷曼委員會昨日展開首次聆訊,
第一個"受審"嘅係財經事務及庫務局局長陳家強,
佢講咗一大輪,
但總括重點如下:
1) 「我最早知道有迷你債券,就係雷曼出事之後。」
2) 「在監管方面,在獨立監管機構有法律,專業資源做這事,政府角色是有的,是訂立一個政策目標……如果你問到關於前綫監管工作,我相信你理解到監管機構有其專業能力,這個事情由他(監管機構)來做。」

咁佢即係想表逹什麼呢?
其實佢想講:
「我事前乜都唔知,唔關我事,係其他人嘅責任。」囉!
推缷責任已成為特區官員嘅特性,
個個反應遲頓,
對危機無洞察力,
對問題無解決力,
對責任有推缷力,
但係個個就高薪厚職,
養哩班狗官簡直哂米飯,
全部同我推出午門斬首!

14 則留言:

匿名 說...

我沒有睇直播,
翻睇無線新聞,
選播的新聞片段,
啲議員提出問題,
唔似有準備而來,
好似街市婆罵街,
更是不懂而且無水準,
咁咪得返咁嘅答案囉。


再睇返今早嘅明報,
話大狀好似法庭內,
cross examination 咁續句套人落榻,
又有議員句句凈識得問人『你有否失職』,
畀主席何鐘泰郅!

佢地要人頭落地啫,
何須浪費咁多公帑,
劏開肚皮畀人睇哂,
兼影衰埋香港形象,
仲誇口乜話做金融中心?

新鮮人 說...

space,
議員問得無水準不代表官員可以缷責,
一件還一件!
個point係官員嘅處事能力和態度問題,
請不要拉到別的問題上!

梁巔巔 說...

芝大畢業? Eat Banana 啦!

芝大嘅不幸.....

匿名 說...

新鮮兄:
須問得精確有水準有專業水平才能逼到答問者回答問題嘅。
當然這又回到先有雞先才有蛋還是先有蛋才有雞這老問題。
likewise 再者點解有呢啲官員在特區政府任問責高官呢?
又是回到上面指出有雞先還是有蛋先嘅千古以來老問題嘞!

Hyacinthus 說...

民主黨涂謹申斬釘截鐵質問陳:「你個人最早知迷你債券係幾時?」
陳家強回應說:「我最早知道有迷你債券就係雷曼出事後。」

以上既對答咪到point囉,一句話無得避! XD

陳家強於學術方面的成就很好,於理論的學長也不用懷疑,但當事情down-to-earth的時候又是另一碼子的事,而問責官員這份工其實係PR的成份居多,由學者轉戰PR工作?實是非其所長也,也難怪他...失職 ~

迷債一事,我們的政府祗顧保障機構投資者,完全忽略了小市民的利益!個人覺得,若是君子愛財?麻煩取之有道....

imak 說...

well... 其實不單止係陳家強一個, 美國咁多官係高盛出身 (不是學院派, 是實戰派) 都一樣不估到CDO/CDS 會攪到咁大鑊啦! or else Paulson 就唔會唔救 lehman bros 啦!

產品在推出市場前應經過政府審查批核, 這個job 是那一個部門 own? 及後銷售手法監管又是那個dept own? (財經事務及庫務局/金管局/證監會三個部門的分工我不太清楚)

匿名 說...

新鮮兄商借貴處讓小弟擦擦 Imak姐對鞋。

Imak 姐:好勁呀! 對!若問陳局長幾時知道有CDO/CDS/CMO等等,就唔會畀陳家強咁容易過骨。

『迷債』只是在香港獨有的名稱,其實所謂『迷債』就是CDO/CDS/CMO等等之類的洐生工具。查CDO/CDS/CMO等等,早在上世紀八十年代,已經在美國洐生工具市場發行,發展已有一段頗長時間。

陳局長獲授芝加哥大學工商管理碩士及財務學哲學博士,斷估陳局長點都唔敢話到迷債出事,至識得乜嘢是CDO/CDS/CMO等等呱。

不過陳家強是小烏龜,還有鬚烏龜,白頭烏龜,希望啲議員是留力,用嚟打金管局/證監處啲大烏龜罷。

新鮮人 說...

SPACE,
佢早知有迷債仲話到雷萬爆煲先知仲唔係缷債?
張開眼講大話嘅狗官,
廢物一堆!

又唔係話要佢揹哂,
但佢咁講已見到啲狗官根本無負責嘅心態啦,
咁嘅人,有乜資格做高官,
不知所謂!

匿名 說...

新鮮兄:
咪即喺陶哥哥問得喳囉,
又要提問又唔做功課噃,
佢問陳局長『迷債』嘛,
人地就答返『迷債』囉!
若要罵就罵埋啲議員們嚕,
咁先至公平公正不偏不倚!
我兩邊都唔幫,
幫理不幫親嘅!

新鮮人 說...

space,
要評價一個人,
要"聽其言,觀其行",
唔可以淨係睇昨天的,
噚日佢講嘅只是佢表現一部份,
睇埋佢其他嘅表現之後就知佢overall表現唔掂啦,
點講佢都唔係一個秤職的人!

匿名 說...

新鮮兄:
今次是評論他處理迷債這事,
我是對事不對人作出評論嘅。

新鮮人 說...

巔兄,
話知佢邊度畢業,
但係做得唔好就要鬧,
又一個高學歷冗官!

新鮮人 說...

風子,
學術得好有鬼用,
實戰唔得就死火啦,
佢張開眼講大話,
逃避責任,
人格有問題啦!!!!!

新鮮人 說...

imak,
架床疊屋都做唔到嘢,
更加顯得官員浪費我哋納稅人啲錢呀,
全部拖出去斬無錯架啦!
人黎~~~~ 狗頭"雜"侍候!!!!