廢柴打工仔!

今日睇咗篇講講打工仔心態嘅文章，
心裏有些話想說，
嗱~~事先講明，
本文絶無針對任何人，
全是我多年來所見所聞有感而發，
誰人自己對號入座唔關我事。
仲有，
這篇好爛口架，
斯文人勿看喎!

時常聽見打工仔說老闆刻薄，
我都見過有些老闆幾賤格，
人工低不特止，
仲走法律罅唔供強積金，
有些仲賤到有錢都唔出糧，
攞哂啲錢同老婆旅行兼狂Shopping，
再唔係就日日要人OT五六個鐘無補水，
自己就神咁早就走人行街街，
有朋友試過八號風球老闆都要佢哋留低趕工，
但係自己三號一掛就走都走唔切，
你話有無人賤得咁交關架?
再唔係嘅就唔尊重啲員工，
啱又鬧唔啱又鬧，
粗口爛舌兼爆粗﹐
更見過有些老闆想出手打人，
哩啲咁無品嘅人直情要報警拉人啦!

不過話時話，
遇到咁衰格嘅老闆嘈都無用，
有本事嘅不如揾工跳糟好過，
一路嘈一路係老闆背後鬧佢都無用架，
佢又唔會少忽肉嘅，
同你講道理嗰個就唔係衰格老闆啦，
你同佢嘈咪自己攞黎煩!

當年科網泡沫未爆時啲Programmer咪好吃香嘅，
我舊公司咪有幾件咁嘅人板日哦夜哦話自己人工低囉，
哦哦哦~~~~哦足大半年都仲未走，
我心諗你哋想點先?
有料嘅咪走人囉，
哦乜X嘢喎，
最衰格仲係公司週圍挑事講非喎，
又話問公司刻薄又話乜又話七，
X罅星吖!
你唔想做咪唔做囉，
為乜係度做搞屎棍呀?
真係煩x到爆呀!
終於到我走咗佢哋都未走，
半年後返去探FD佢哋班X樣仲係度哦哦哦~~~
挑~~~成班都係廢柴，
真係有料嘅就走咗好耐啦，
老實講哩幾件蛋散嘅人工根本唔係低，
而且仲高過公司好多人添，
做出黎啲嘢又唔掂喎，
Deadline 遲完又遲，
program錯完又錯，
想點先?
自以為有料，
其實係廢料，
哩啲咁嘅打工仔拖去堆田區都厭阻地，
講咁多做乜，
有料實揾到份好架，
嘈極都走唔到嗰班肯定係廢柴!