頑童不讀書!

我的大姐只讀到預科，
但是她的英文不比大學生差，
係十幾廿年前嘅大學生喎，
唔係如今啲"豆泥"大學生呀!
佢英文好嘅原因好簡單，
就係勤力兼面皮厚囉。
從前住在馬料水，
離中文大學很近，
為了學好英文、數學，
只要她看見有大學生經過，
唔理三七二十一識唔識都好，
她都會厚著面皮拿著書本追出去問他們，
不要少看每次只可以問到一點一滴，
日積月累下就效果無窮了，
可惜我當時這個小學生就懶到死，
唔識把握時機，
成日掛住通山走，
又唔做功課唔温書，
次次都畀人打到飛起，
新鮮媽成日都話我將來做梗乞兒架，
當時我都唔識死，
無諗過會有肚餓無飯食嘅日子，
好彩後來中學都係咁易讀吓書，
好多事都係要自動自覺先學到嘅，
唔係今時今日實應咗新鮮媽嗰句，
唔讀書實做乞兒呀!