2009年4月20日

頑童不讀書!

我的大姐只讀到預科,
但是她的英文不比大學生差,
係十幾廿年前嘅大學生喎,
唔係如今啲"豆泥"大學生呀!
佢英文好嘅原因好簡單,
就係勤力兼面皮厚囉。
從前住在馬料水,
離中文大學很近,
為了學好英文、數學,
只要她看見有大學生經過,
唔理三七二十一識唔識都好,
她都會厚著面皮拿著書本追出去問他們,
不要少看每次只可以問到一點一滴,
日積月累下就效果無窮了,
可惜我當時這個小學生就懶到死,
唔識把握時機,
成日掛住通山走,
又唔做功課唔温書,
次次都畀人打到飛起,
新鮮媽成日都話我將來做梗乞兒架,
當時我都唔識死,
無諗過會有肚餓無飯食嘅日子,
好彩後來中學都係咁易讀吓書,
好多事都係要自動自覺先學到嘅,
唔係今時今日實應咗新鮮媽嗰句,
唔讀書實做乞兒呀!

14 則留言:

梁巔巔 說...

i. 上一代唔駛講, 我哋呢一代, 下至多一代起兩代止, 叫佢哋好似我哋咁, 佢哋一 X 定又話 CHEAP 又話冇性格!

ii. 唔讀書又唔一定做乞兒喎! 仲分分鐘易發達過有讀書嘅~

Himphen 說...

可惜現在不讀書也可向父母伸手拿錢

新鮮人 說...

巔兄,
唔讀書係因為懶囉,
一個又懶又唔識嘢嘅人點會做得成什麼事?
唔靠自己努力,
唔通靠政府咩?

新鮮人 說...

v2仔,
唔通伸成世咩?
父母始終有一日離開佢哋,
到時仲唔做硬乞兒!

Haricot 微豆 說...

我何爺話過:你無書讀就要做「油屎仔」!!(街边車房雜工也)

新鮮人 說...

微豆,
都好過要做乞兒吖!
哈哈哈~~~

詭異的木頭狗 說...

做乞兒都唔係咁簡單,得個懶字都係死.如果要多收入,都要做少少市場調查,看看邊度沒有咁大競爭,最好仲要有一技之長,表演一下博多D收入, 再唔係就要夠演技,扮可憐,扮慘,扮傷殘,真是少D 功力都搵唔飯食.

Haricot 微豆 說...

喂,乞兒自己做老板,自己時間返工放工,又免車馬費,又無入息稅。油屎仔做雜工,臭油死氣,又被人媽媽声鬧到飛起 .....

講笑咋! 都係勤力讀書好!!

新鮮人 說...

木頭狗,
噢~~~
真係乞兒都做唔成囉! =(

新鮮人 說...

微豆,
乞兒無保障嘛,
又無固定收入,
唔安全呀!

哈哈哈~~~~~

imak 說...

有時都要講下命水(際遇)... 書讀得多未必有用, 要個人掂先得!

新鮮人 說...

imak,
係架,
只要唔好讀死書就無問題!
不過有機會讀唔讀就儍啦,
書都懶讀嘅人好難有心做其它嘢!

yuen luk luk 說...

哈哈~~~家陣呢個環境, 就算讀倒書都未必好,都好睇際遇架.

做人就千奇唔好一"pei" 泥錦,肯努力上進,我諗都唔會變乞衣呀!

新鮮人 說...

yuen.
齋讀書係唔得,
但當機會黎時,
有多點知識的人容易把握機會嘛!