新鮮媽:「我三十幾年無食過爆谷了。」
新鮮仔:「你想食我買畀你食吖。」
新鮮媽:「好呀!」
新鮮仔:「畀多三蚊就大一倍，我買咗個中size呀。」
新鮮媽:「咁著數，梗係買中size啦。」
新鮮仔:「好唔好味呀?」
新鮮媽:「幾好......你都一齊食啦。」
食~~~~食~~~~~食~~~~~~~~
新鮮仔:「個口好攰呀!點解食極都仲有架?」
新鮮媽:「繼續唔好停啦!」
食~~~~食~~~~~食~~~~~~~~
新鮮仔:「我唔得嘞，投降了!」
新鮮媽:「唔好浪費呀!我繼續食!」
食~~~~食~~~~~食~~~~~~~~
新鮮仔:「食唔哂由佢啦!食得多好熱氣架!」
新鮮媽還是在食~~~~食~~~~~食~~~~~~~~
新鮮媽:「唔食啦!」
新鮮仔:「你都差不多食哂啦!聽日熱氣你就知味!」
新鮮媽:「哼~~~」
老人家就是這樣，
捱過苦不想浪費食物，
每次都做了"垃圾收集站"，
其實我都盡量幫忙食，
但真是無能為力，
都怪自己當初貪小便宜啦!
22 則留言:
These days, the food portion is always too big. Not that I want to waste food, but it's too much to finish.
計返... 即係你咁耐...
佢就有咁耐冇食過???
Popcorn 爆谷 維基百科
圖片就是實物？
Classic的爆谷只加糖霜比較單調，
外國的有加很多的味道，牛油，奶油，Caramel corn， Kettle corn 。。。。。！
ruth,
都係我貪心囉,
要個細size嘅就無事,
而家食到口軟呀! =p
悟樂,
我得十八歲喳! =p
space,
就係這幅圖了!
我買了焦糖和朱古力味,
兩樣都唔錯,
朱古力味好香濃架!
所以現實生活中會有咁多肥師奶囉...
DOZY,
哈哈哈~~~
還有肥佬喎! =P
我都記得從前家中的老人家總會執我們細路仔口水沬,就是不想浪費食物，為了幫口,我細細個開始就有個肚腩仔啦!!依家買食物,都寧叫小D,實在好怕食得太多啦!
喂，新鮮媽今朝有冇喉嚨痛呀?
gwen,
節儉是美德,
都見到家裏的老人家這樣,
真係有點擔心,
所以同你一樣,
食幾多要幾多,
寧可唔夠再添!
小豬,
啊! 無問過喎,
有都唔會話我知,
佢費事我哦佢呀! =p
新鮮兄小朱姐：老人家吃了熱氣的食物，constipation 便秘機會多些！
space,
這是你的"親身經驗"嗎?
嘻嘻~~~
我阿媽都係咁... 食唔晒又"夾硬"食... 然後又話好飽好辛苦...
我成日都同佢講: 辛苦搵嚟"自在"食呀... 食得咁辛苦就咪食又或者唔好煮咁多啦...
但阿媽實在太高興阿女返屋企食飯, 3個人煮8樣餸呀... (我都好孝順架!如果屋企食飯我都盡量食架, 不過出街食就唔好喇...)
anmary,
這是中國人的"美德",
好有上了年紀的都是這樣,
没辨法改變,
唯有叫佢哋煮少啲,
出街就食完先再叫,
唔係真係大家辛苦!
新鮮兄：我一向都不吃菓仁，和類似的東西，爆谷，popcorn，粟米，也不例外！多謝關心，我有沒有便秘！
Space,
我都記得你唔食菓仁,
都唔知你唔食粟米,
我其實都唔喜歡食粟米的,
爆谷除外! =)
新鮮兄：我不吃粟米，道理跟怕吃菓仁，同一理由。菓仁是怎樣剝出來？一粒粒的粟米，是怎樣剝落嚟呢？
space,
有機器剥嘛!
>> ... 捱過苦不想浪費食物，每次都做了"垃圾收集站"，
I was brought up in a poor family and was told to eat every bit of rice and food in my bowl. Anything left would end up as pox-mark on my spouse's face 豆皮婆!!!
Darn !!! No wonder I can never lose weight !!
微豆,
雖然家人没有用"豆皮婆"理論來嚇我,
但自小便教導不要浪費食物,
這都是從前生活環境較差吧,
現在生活物質豐富了,
食物多了，
我們自然吃多了,
如果依照從前的"想法"就好易肥了,
再加上"年紀大了",
所以現在點食物都要"量力而為",
無謂浪費或強迫自己把食物全部吃光!
發佈留言