官塘全港最多蚊!

係呀，
我轉蚊香牌子呀，
早前用欖菊牌，
現在改用拜高了，
原因是今年啲蚊實在太惡，
同一隻牌子用耐咗無乜效用了。
這個夏天啲蚊惡得好交關，
我又住低層喎，
關哂窗開冷氣都要點兩個蚊香先至頂得順，
初初仲以為自己屋企有問題，
但清潔過哂啲水種植物和渠位後，
啲蚊還是不斷出現釘人，
相信一定係外面飛入黎的。
昨天看新聞才知道官塘的誘蚊產卵器全港指數最高，
人家就廿幾三十幾，
但係官塘就高逹四十幾個巴仙，
你話大劑唔大劑吖?
現在家裏除了有蚊香、蚊油、蚊貼外，
早前還有blog友好心介紹個超頻驅蚊程式畀我，
遲啲再頂唔順可能會用埋佢，
今個夏天誓要和惡蚊決一死戰!

相關新聞:
觀塘中誘蚊指數全港最高