2009年7月18日

官塘全港最多蚊!


係呀,
我轉蚊香牌子呀,
早前用欖菊牌,
現在改用拜高了,
原因是今年啲蚊實在太惡,
同一隻牌子用耐咗無乜效用了。
這個夏天啲蚊惡得好交關,
我又住低層喎,
關哂窗開冷氣都要點兩個蚊香先至頂得順,
初初仲以為自己屋企有問題,
但清潔過哂啲水種植物和渠位後,
啲蚊還是不斷出現釘人,
相信一定係外面飛入黎的。
昨天看新聞才知道官塘的誘蚊產卵器全港指數最高,
人家就廿幾三十幾,
但係官塘就高逹四十幾個巴仙,
你話大劑唔大劑吖?
現在家裏除了有蚊香、蚊油、蚊貼外,
早前還有blog友好心介紹個超頻驅蚊程式畀我,
遲啲再頂唔順可能會用埋佢,
今個夏天誓要和惡蚊決一死戰!

相關新聞:
觀塘中誘蚊指數全港最高

8 則留言:

Hyacinthus 說...

"關哂窗開冷氣都要點兩個蚊香先至頂得順"
咁咪即是攬住一齊死囉?i mean好易焗死:O ~

悟樂 說...

加油, 身處葵涌的我支持你~~~~~

新鮮人 說...

風子,
係架,
鬥長命囉!
好彩蚊子短命好多!

新鮮人 說...

悟樂,
多謝哂你嘅支持喎! =____=!!

匿名 說...

我完全明白你的感受,最近我雙腿就被蚊子咬到我成日打自己隻腳。

新鮮人 說...

gwenzilla,
你都受蚊釘之苦呀?
咁你用什麼方法對付呀?

匿名 說...

我們去hiking時,都會噴蚊怕水,通常D蚊都唔會咬我地,so far, 在家是沒有蚊.

新鮮人 說...

gwenzilla,
那就好一點,
至少在家裏唔洗煩嘛! =(