2009年7月19日

"口靚模""你睇唔睇先?

對於近日嘅"靚模書展風波"不知如何說好,
有人話哩班妹妹仔騷頭弄姿拍寫真教壞細路,
而且有辱書展嘅真正目的;
有人話創作自由各有特色,
無謂高舉古老的道德牌扁,
網上更出現多個討論區亙相對駡,
更有人提議書展當日到場外靜坐,
誓要把"靚模"趕出場館,
鬧得不亦樂乎。

大家不要以為反對"靚模"全都是年過半百嘅古老學硏喎,
其中那個"反靚模"聯盟盟主Issac只得18歲左右喳,
什麼時候如今的年青人有咁高嘅道德標準架?
我哩啲"古老石山"都未開拖鬧人,
佢哋就搞到咁大陣仗?
早前啲後生仔咪話要創作、言語、網上自由嗎?
刋物銷售處都無要啲"靚模"寫真集封膠袋就証明佢哋無過火位啦,
點解依家啲後生仔嘅標準又變哂架?
剛才係浪子個blog度見到阿盟主Issac俾"靚模"嗲兩嗲又轉哂軚,
又話人哋本寫真集健康無問題,
究竟佢想點架?
啲後生仔女嘅標準係邊樹架,
咁樣搞到大家好迷茫喎!

好嘞,
講完一大輪我又點睇呢?
我嘅意見係書展分開擺囉,
花邊讀物、寫真集自己一層,
另外啲所謂傳統文學作品又自己一層,
大家各取所需、各自各精彩咪得囉。
嗱~~唔好話我騎牆派,
哩班所謂
"靚模"個個年青可人,
雖然我都分唔清邊個係邊個,
但係人都喜歡睇多兩眼,
尤其係啲血氣方剛嘅後生仔,
口就講佢哋好cheap,
但眼尾咪又係"鴿"緊人哋,
唔係盟主Issac都唔會俾人電兩電就軟哂啦,
嗱~~唔好口硬話自己無興趣呀,
講大話爛咀兼甩牙架!

至於道德問題就難講了,
如果用從前嘅標準的話,
哩班"靚模"全部都要俾人拖去浸豬籠,
大家翻開市面上啲八卦雜誌睇睇,
有邊本無幾頁係啲水著baby先?
有啲baby件泳衣又薄又細,
根本同無著無分別啦,
個個仲要又劈腿又夾胸喎,
人家無內涵又要揾快錢唔賣肉賣乜呢?
要鬧都鬧哩啲"變相咸書"先,
喂~~後生仔你有無買過先?
就算無買過嘅,
行過有無"目及"多兩眼呢?
唔好講一套做一套好喎!

講真,
我係覺得社會風氣愈來愈差的,
但係要改又改到咩?
一講就俾人話你老土兼假道學,
個個後生仔精力充沛谷精上腦,
你唔俾佢哋睇佢哋唔同你死過,
以前嗰套有人會聽咩?
大學生都話上大學最free嘅係可以自由做愛啦,
我哋啲"老嘢"吹得佢哋脹咩?
哂氣!


19 則留言:

浪人m: 說...

奶模引起既花邊而家好睇過佢地本身, 哈。

新鮮人 說...

浪人,
唉~~
一塌糊塗,
無眼睇囉!

伊麵丹 說...

自問對細細個既妹妹仔幾有興趣( 咳 )
唔,離題

呢種人,三個字,假道德
你唔鐘意,你咪唔好去lor
你係覺得o靚模整污糟個場
咁但係你係乜水先?
如果你真係覺得道德走下坡
你係書展攪幾大陣象都冇用,曬氣

新鮮人 說...

伊麵丹,
好明顯你係支持嘅一方啦,
睇你就知係血氣方剛啦,
唔俾你睇容易反枱架?
書展嗰日會唔會去湊熱鬧呢?
哈哈哈~~~~~~

uncle ray 說...

我想話,其實果個不是"反o靚模"的group。Issac也不是甚麼盟主了。

梁巔巔 說...

香港書展, 畀外人笑死~

不如分開 la! 書展, 漫畫展同埋, 娛樂八掛展.

新鮮人 說...

uncle ray,
係什麼都不重要,
重點係有人反、有人附,
兩班人對壘,
各持己見,
但書展會照開,
寫真集亦會照賣,
嘈完就當無嘢,
社會風氣還是一樣!

新鮮人 說...

巔兄,
分開都好,
唔洗嘈囉!
反正用什麼做標準呢?
無可能有定論!

DeepC 說...

我覺得講咩都無用, 不如問下攪書展的HKTDC, 如果佢地講攪書展的目的是sell書, 不是sell道德, 那大家可以省點氣討論這個topic.
My gd god

伊麵丹 說...

拿,本來我唔知有o靚模攪活動
佢咁講兩講,攪到我都想去
我懷疑佢咁做係為左做宣傳

新鮮人 說...

Deepc,
在商當然言商,
但係啲人係從道德層面批評喎,
而HKTDC亦都會受大眾言論有所影響,
今次啲寫真集就實會照賣,
不過下年可能要分家了!

新鮮人 說...

伊麵丹,
咪擺人上枱,
你自己想去喳?

YanYan 說...

講來講去只係為反而反~道德標準係用來規範自己的行為不是用來管制人~不過依家d年青人就是這樣~hahah~我也是老人家嗎?

新鮮人 說...

YANYAN,
"道德標準係用來規範自己的行為不是用來管制人"

這句好有意思! =)

微豆 Haricot 說...

I have no idea what the fuss is about.

匿名 說...

Hari big brother that was child teenager pornography.


Space

新鮮人 說...

微豆,
香港近期興起一群十六、七、八歲左右的妹妹仔出黎做雜誌模特兒,
而且好多都是穿得好少衫的,
其中有些更出寫真集,
還會在今天開幕的書展做簽名會,
有些人指這樣違犯了書展的原意,
而且是造就不良風氣,
但有些人則認為這是創作、言語自由,
不應該加以阻撓,
因而在facebook和網上展開駡戰,
更有人提議在書展門口靜坐,
希望把這些"口靚"模(有些未滿18)趕出展館,
早前有一名叫Issac的"反口靚模"聯盟盟主和其中一名"口靚"模見面,
在温婉肉香的情況下,
他的立場竟然軟化下來,
所以被其他反"口靚"模人仕大肆指責囉!
就係咁了!

新鮮人 說...

space,
有些"口靚"模好似未夠秤吧,
不過佢哋咁"成熟",
可見全部都是自願,
我其實都讚同這風氣,
無奈世態變化很快,
現在的價值觀和從前的已大大不同的!

微豆 Haricot 說...

Space, 新鮮人:

明白啦!!