"口靚模""你睇唔睇先?

對於近日嘅"口靚模書展風波"不知如何說好，
有人話哩班妹妹仔騷頭弄姿拍寫真教壞細路，
而且有辱書展嘅真正目的;
有人話創作自由各有特色，
無謂高舉古老的道德牌扁，
網上更出現多個討論區亙相對駡，
更有人提議書展當日到場外靜坐，
誓要把"口靚模"趕出場館，
鬧得不亦樂乎。

大家不要以為反對"口靚模"全都是年過半百嘅古老學硏喎，
其中那個"反口靚模"聯盟盟主Issac只得18歲左右喳，
什麼時候如今的年青人有咁高嘅道德標準架?
我哩啲"古老石山"都未開拖鬧人，
佢哋就搞到咁大陣仗?
早前啲後生仔咪話要創作、言語、網上自由嗎?
刋物銷售處都無要啲"口靚模"寫真集封膠袋就証明佢哋無過火位啦，
點解依家啲後生仔嘅標準又變哂架?
剛才係浪子個blog度見到阿盟主Issac俾"口靚模"嗲兩嗲又轉哂軚，
又話人哋本寫真集健康無問題，
究竟佢想點架?
啲後生仔女嘅標準係邊樹架，
咁樣搞到大家好迷茫喎!

好嘞，
講完一大輪我又點睇呢?
我嘅意見係書展分開擺囉，
花邊讀物、寫真集自己一層，
另外啲所謂傳統文學作品又自己一層，
大家各取所需、各自各精彩咪得囉。
嗱~~唔好話我騎牆派，
哩班所謂"口靚模"個個年青可人，
雖然我都分唔清邊個係邊個，
但係人都喜歡睇多兩眼，
尤其係啲血氣方剛嘅後生仔，
口就講佢哋好cheap，
但眼尾咪又係"鴿"緊人哋，
唔係盟主Issac都唔會俾人電兩電就軟哂啦，
嗱~~唔好口硬話自己無興趣呀，
講大話爛咀兼甩牙架!

至於道德問題就難講了，
如果用從前嘅標準的話，
哩班"口靚模"全部都要俾人拖去浸豬籠，
大家翻開市面上啲八卦雜誌睇睇，
有邊本無幾頁係啲水著baby先?
有啲baby件泳衣又薄又細，
根本同無著無分別啦，
個個仲要又劈腿又夾胸喎，
人家無內涵又要揾快錢唔賣肉賣乜呢?
要鬧都鬧哩啲"變相咸書"先，
喂~~後生仔你有無買過先?
就算無買過嘅，
行過有無"目及"多兩眼呢?
唔好講一套做一套好喎!

講真，
我係覺得社會風氣愈來愈差的，
但係要改又改到咩?
一講就俾人話你老土兼假道學，
個個後生仔精力充沛谷精上腦，
你唔俾佢哋睇佢哋唔同你死過，
以前嗰套有人會聽咩?
大學生都話上大學最free嘅係可以自由做愛啦，
我哋啲"老嘢"吹得佢哋脹咩?
哂氣!