2009年7月23日

大暑吃什麼?


今天大暑,
熱到阿媽都唔認得,
我都無乜胃口食嘢,
今晚會有兩個選擇,
第一係煮日本冷麵,
第二係乜都唔鬼煮,
買個大西瓜食就算,
心裏還是未有定案,
不過我可以話你知,
雪櫃裏有半個西瓜,
哈哈哈哈~~~~~~~~

22 則留言:

匿名 說...

冬瓜粒湯飯是今晚的選擇。

昨天已經買到了冬瓜,並已經浸了蝦米、乾瑤柱、冬菇,回家前去佳佳買四份一隻燒鴨(要上樁鴨胸肉)切粒粒。

一煲煮熟即可下飯。


Space

nana 說...

你不說,我也不醒起今天是大暑~~~

YanYan 說...

我會飲冰凍可樂~一齊開動快樂!yeah!hahaha

新鮮人 說...

space,
熱到唔想開爐! =(

新鮮人 說...

nana,
係煮番啲消暑嘢食嘅時候了! =)

新鮮人 說...

yanyan,
大熱天時飲冰凍可樂係好正架! =p

匿名 說...

心靜自然涼!

xin jing zi ran liang!

Space

richmapoorma 說...

今天街市的冬瓜, 真的很好銷路呢.

新鮮人 說...

space,
你試吓中午企係街,
就算你心如止水都熱到飛起呀! =p

新鮮人 說...

richmapoorma,
係呀,
我今朝經過都見到好多人買呀,
搶手到不得了,
你有無買返啲呀?

uncle ray 說...

今天真係幾熱。

詭異的木頭狗 說...

點解大暑要食冬瓜? 是習俗定是冬瓜可以消暑, 如屬後者,應該還有很多其他食物呀?

新鮮人 說...

uncle ray,
大暑嘛,
所以特別熱囉! =)

新鮮人 說...

木頭狗,
因為:
冬瓜係清熱消暑的,
冬瓜又平又平民化,
冬瓜係夏天當"糟",
從前無咁多東西揀,
冬瓜最平最方便!

梁巔巔 說...

冬瓜湯, 加金華火腿, 正!

新鮮人 說...

巔兄,
再加啲蝦米、冬菇、瘦肉﹐
咁就係遠近馳名嘅冬瓜盅囉! =p

匿名 說...

《《你試吓中午企係街, 就算你心如止水都熱到飛起呀!

哈哈哈,天時暑熱,中午出街兼且著埋套“披”打領呔添,full set of 中環 male office attire,所以一定要心靜,見到靚女潮媽都要心靜,心無旁騖,必能自然涼。


Space

p.s. leaving to buy coffee

新鮮人 說...

SPACE,
咁你繼續心靜,
我繼續食西瓜了1

微豆 Haricot 說...

吓? 你講「冬」定係講「西」呀?

(啊啊!)

新鮮人 說...

微豆,
其實我想食西瓜,
用冬瓜借題發揮啫! =p

anmary 說...

看到圖片還以為你真的買了冬瓜添!

新鮮人 說...

anmary,
熱辣辣,
唔想開爐,
所以最後都係無買到,
食生果算了!