這兩天是宮心計的大結局，
筆者很喜歡這套電視劇，
尤其是女角們的頭飾、服裝，
真係華麗非常，
當中尤以郭太后的扮相最搶眼，
她那個"高嵩入雲"的髮型，
還有閃閃生光的寶石頭飾，
加上那雙霸氣十足的眼光，
令人心裏為之震懾，
可惜郭太后早死，
否則後來必有一番惡鬥。
不過最吸引的還是一大班女人各懷鬼胎，
為求上位亙相施展陰毒數，
其實筆者覺得最好能夠再狠毒些，
例如楊怡可以學武則天咁，
生個女出黎然後扼死佢嫁禍俾李詩韻，
等佢被陳豪打入冷宮等死，
咁樣就更精彩刺激啦。
但係無論如何都會繼續追看，
懶得理別人說筆者師奶品味，
更不要說什麼反智唔反智，
筆者就是喜歡看，
師奶劇萬歲萬萬歲!!
16 則留言:
正死師奶!
不過, 唔知點解, 有時呢啲劇又好鬼死引死人! 好似還珠格格咁, 迷到我呢~
巔兄,
係架,
啲師奶都唔知好睇,
人家有人家鬧,
我一樣照睇!
還珠格格?
我仲未睇過喎,
只是看過一兩集喳!
哈哈,我都有睇bor,今個星期大結局啦 =)
風子,
係呀!
好緊張,
搞到唔睇瞓唔着呀!
哈哈哈~~~
重有,我好喜歡太皇太后個角色,係咁多個之中最出的,最壓場的,可惜壞人死得早,唔係都有排煩啦,哈哈哈哈...
如果說此劇使楊怡有機會試演奸角,有機會角逐視后之位云云,我會說此劇跑出的是太皇太后,佢一出場,誰與爭峰?
唔講啦,要去睇電視啦 XD ~
以前家姐好鍾意睇還珠
但見到個陣既林心如,晚晚都係度喊....愈黎愈無興趣
宮心計都係呢排先睇,但又覺得佢係最尾幾集先叫緊張D
一齊欣賞最後既結果啦~~~
風子,
太皇太后梗係煞食啦,
佢嗰扮想好正,
個人又有貴氣、同霸氣,
我都好喜歡,
其實上次佢係巾幗臬雄做大奶奶都要搶架,
仲入選最佳女配角添,
今次戲就少啲,
不過貴精不貴多,
一樣做好!
楊怡演奸角係少見,
感覺都幾特別,
不過就有點過火,
夠毒唔夠陰,
做到"棉裏針"陰陰濕濕咁,
唔需要成口大大聲咁叫,
效果會更立體!
港男大力,
還珠我都無乜睇過,
唔知點解唔想睇!
但係宮心計唔同,
集集啲節湊都好快,
哩頭死完嗰頭又開始另一場鬥爭,
真係喊都無時間呀,
唔錯架!
其實我真係唔覺得係師奶戲啊! 因為裡面好多對白其實都幾深, 無返咁上下都未必聽得明.
我反而成套戲最鍾意馬元贄, 李國麟一向都好戲, 不過今次真係嘆為觀止!
多謝各位捧場 :)
我真係冇資格做師奶
anmary,
我一向都覺的李國麟可以再"高"啲,
可惜星運平平,
不過我又唔覺佢今次好特別,
佢啲技一向都唔錯,
但今次我反而覺得有點過火,
奸得太出了,
唔夠陰沈,
可能係劇本問題吧!
木頭狗,
哈哈哈~~~
你生為無記人喎,
下次再努力!
匿名,
做唔到師奶唔緊要,
做"公公婆婆"都可以,
開個玩笑!
哈哈哈~~~
我都鍾意師奶劇架,咪係"花師奶"囉,好鬼抵死架。
Ebenezer,
花師奶只是睇過少少,
有機會都去睇吓先!
日頭做嘢好攰,
回家看些師奶劇的確可以消除疲勞架! =)
發佈留言