報紙又用什麼"國際笑話"作標題，
好似西九龍文化區、醫療事故、東亞運動會等等都關全世界事，
老實講香港算係乜?
雖然香港有少少名，
但係豆鼓咁細粒咪當自己好大咁啦，
你即唔即場賣飛人家才不理，
好話唔好聽都唔係咁多人特登搭飛機黎睇啦，
反而自己報紙就大大字標題係咁嘈，
自以為全世界都睇住你先至係"國際笑話"呀!
講開又開，
哩個政府又真係唔用腦嘅，
依家啲飛好好賣咩?
係咪未開場就全部賣清呢?
如果唔係，
點解係場館門口唔賣飛喎，
紅館演唱會都有即場門票賣，
政府又用乜理由唔賣即場票?
仲有啲係前排嘅貴賓位，
足足有兩成咁多靚位係無人坐，
問政府啲貴賓係邊度，
佢哋敢膽死話未開幕啲貴賓係外國未到喎，
未到就唔好劃哂啲靚位出黎啦，
搞到買飛入場啲人坐哂係後排，
眼光光睇住啲空空如也嘅靚位都無得坐，
你話啲政府官員嗰腦係咪塞實哂吖?
依家日日登頭條好馨香咩?
快快趣趣搞好佢啦，
諗嘢要以方便人民為本，
唔係方便行政為依歸架，
唔該啲大人唔好屎忽生上腦，
亦唔該啲報紙唔好再用乜嘢"國際笑話"做標題嘞，
外國人識你係老鼠，
米奇老鼠都無人黎睇啦，
咪以為香港新聞外國人爭住睇先得架，
真係笑爆咀!
14 則留言:
我成日都講,
尐官緊係唔理你啦~~~
做得好的, 又係咁多人工.
好似依家做成咁的.
都係比人罵兩句, 錢照出, 職照升.
最緊要係有水過到去比自己友~~~
班友一向都係井底之蛙黎....
以為全世界都會睇香港咁....白痴
東亞班友又係...
尋日見到,真係指住佢黎笑....
好似有錢賺都唔識賺,仲要做臭個朵...
第時唔慌唔世界留名啦...
悟樂,
官僚作風所致,
至於"過水自己友"就未必,
係政策太偏向商界,
錯讓以為只有大商家才可創造經濟!
港男大力,
無乜可笑,
係可悲呀!
香港個政府攪親呢啲嘢都係咁... 都梗係唔知攪咩... 唔識做就請啲PR公司去做啦...
我都有朋友喺東亞公司做, 聽佢講班友點做嘢就真係笑到想死! 佢話做大嘅問題係, 始終係政府嘢, 政府要抽調啲官過嚟管住啲人, 但又咩都唔識, 因為佢哋根本就唔係做呢瓣, 而且啲做嘢手法真係好官僚, 做嘢唔識轉彎...
香港啲報紙最鍾意係咁啦! 其實唔係只係香港政府, 全世界啲政府都成日係咁做低能嘢架啦! 其實好多外國人都見慣自己個政府攪出嚟啲笑話, 都唔得閑理你呢個香港豆腐潤咁細嘅地方啦! 係佢哋井底之蛙先睇到個香港天咁大啫!
anmary,
全中,
官僚主意,
少做少錯,
又唔用心做,
有用心嘅就唔會咁做嘢,
仲成日話要加薪,
愈諗愈火滾!!
你話冇水過我點都唔會信.
直接或間接的一定會有.
單睇政府批出來的工程和合約咁唔合理的就知有問題啦~~~ 就是會展中心的合約就知.
冇着數的點會咁的合約都簽.
比住係清朝依尐係叫做X權"肉"國的條約...
另外再睇點解有咁多高官退休冇耐就有大企業請去做高薪的顧問???!!!??? 唔通真係睇佢O地的工作經驗夠豐富???
再講... 如果話依家政府真係會覺得商界會真心幫香港攪好經濟, 我只會講: 政府真係膠到唔膠law~~~ 咁真係 no say 了...
電視新聞看到有很多吉位，然後又很多人說買不到票。感覺安排是很混亂。
悟樂,
話人要有証據,
政府嘅政策的確有偏向,
因為啲官員腦便秘,
就好似東亞哩單嘢已經見到佢哋無腦無心無用,
所以簽啲咁低能嘅約都唔奇,
啲高官個個退休做私人顧問又真係離舖,
個個五十幾就話退休,
其實個個有氣有力去揾真銀,
真係幫唔落,
只可見佢哋根本唔係真心做好份政府工,
只是等退休,同富商搞關係,
令人好失望!
uncleray,
啲官員搞親哩啲嘢都係咁,
唔識又唔用腦,
又唔揾有經驗嘅人幫手,
好似巨星滙咁,
揾人幫手又係搞到一鑊泡,
真係無鬼用,
浪費哂我哋啲錢!
我杯葛”東亞運“，到此為止！
不提、不睇、不問。
請請 Space
space,
why???
香港好多人就係咁, 將自己放到無限大, 以為香港係超級大國, 打個噴嚏都死好多人.
唔該,唔好再發夢喇~
木頭狗,
唉~
一笑置之!
發佈留言