2009年12月6日

勇闖先逹廣場!

昨天路經旺角先逹廣場,
見手上的N73機殼殘舊不堪,
於是順道走進去換了一個,
筆者平時已很少到旺角逛,
因為人多、車多、空氣差,
先逹更是筆者平生第一次進入,
相信大家定必感到驚訝吧?

走進去路窄小店又多,
店員多是有點嚇人的金毛青年,
筆者又是個電子產品白痴,
簡單如換機身膠殼都未曾試過,
若果不是有數位熟識行情的朋友在傍,
只怕會讓人當水魚劏,
又曾經聽聞有人換殼給黑店換走零件,
所以從來不敢單人前往,
在眾位工程師友人的"協助"下,
是次換殼總算成功,
價錢合理,
所選新機殼的絲印、噴油質量亦佳,
可能大家會笑筆者吹毛求疵,
只是換個機殼都如此大陣仗,
但對於四、五年才換一次電話的筆者來說,
這可是一個大事件了!

16 則留言:

PANG 說...

我唯一一次去先達係陪同學去買電話.......(仲要唔識路去!!!!!)

新鮮人 說...

天使,
估唔到有人比我更"少有"!
好耐無見了,
近況如何呀?

PANG 說...

嘿.....我係宅男丫嗎! 就算出去都唔會無啦啦過海!

近況=灰!

伊麵丹 說...

其實你咁做都應該既
果到D人...可以好鬼惑
我聽過有人二手機當一手賣食差價
標水貨價,實情賣果陣就另一個( 當然貴D啦 )
仲有人食煙添
污煙障氣

港男大力 說...

入親去都焗死咁滯
個D煙味....
唔係被迫都唔入去!

嘿嘿 說...

听了好似你们去了啥危险地带~~~

哈哈哈~~~

新鮮人 說...

天使,
可以多到郊外走走,
吸吓新鮮空氣,
精神好點,
心情又好,
做人樂觀啲呀!

新鮮人 說...

伊麵丹,
聽你咁講仲驚喎,
真係唔敢一個人去嗰度買嘢! =(

新鮮人 說...

港男大力,
我去嗰人又無乜堙味喎,
可能遇啱佢哋"休煙"吧!
哈哈~~~

詭異的木頭狗 說...

又使唔使講到"勇闖"咁誇呀, 雖然我唔係成日去,但唔覺得好似你講到咁恐怖 :)

新鮮人 說...

嘿嘿,
真是幾危險架,
內裏三山五嶽,
很多有黑社會背景,
所以唔敢一個人去架!

新鮮人 說...

木頭狗,
入便"波譎雲詭",
人心難測,
都唔無話唔驚呀!!!

伊麵丹 說...

我自己行過都要打醒十二分精神
始終我唔係地頭蟲:(

新鮮人 說...

伊麵丹,
入面什麼人都有,
所以好少行去嗰邊!

匿名 說...

我這次回港都沒有到旺角,這個地方實在太多人.

估唔到香港還有人是四、五年才換一次電話呀,我以為這種事情只會發生在我們這些在外地住的人哦!

新鮮人 說...

gwenzilla,
手提電話咁貴,
我唔捨得時常換,
情願買架好嘅,
用長啲時間,
慳錢又環保嘛!