昨天路經旺角先逹廣場，
見手上的N73機殼殘舊不堪，
於是順道走進去換了一個，
筆者平時已很少到旺角逛，
因為人多、車多、空氣差，
先逹更是筆者平生第一次進入，
相信大家定必感到驚訝吧?
走進去路窄小店又多，
店員多是有點嚇人的金毛青年，
筆者又是個電子產品白痴，
簡單如換機身膠殼都未曾試過，
若果不是有數位熟識行情的朋友在傍，
只怕會讓人當水魚劏，
又曾經聽聞有人換殼給黑店換走零件，
所以從來不敢單人前往，
在眾位工程師友人的"協助"下，
是次換殼總算成功，
價錢合理，
所選新機殼的絲印、噴油質量亦佳，
可能大家會笑筆者吹毛求疵，
只是換個機殼都如此大陣仗，
但對於四、五年才換一次電話的筆者來說，
這可是一個大事件了!
16 則留言:
我唯一一次去先達係陪同學去買電話.......(仲要唔識路去!!!!!)
天使,
估唔到有人比我更"少有"!
好耐無見了,
近況如何呀?
嘿.....我係宅男丫嗎! 就算出去都唔會無啦啦過海!
近況=灰!
其實你咁做都應該既
果到D人...可以好鬼惑
我聽過有人二手機當一手賣食差價
標水貨價，實情賣果陣就另一個( 當然貴D啦 )
仲有人食煙添
污煙障氣
入親去都焗死咁滯
個D煙味....
唔係被迫都唔入去!
听了好似你们去了啥危险地带~~~
哈哈哈~~~
天使,
可以多到郊外走走,
吸吓新鮮空氣,
精神好點,
心情又好,
做人樂觀啲呀!
伊麵丹,
聽你咁講仲驚喎,
真係唔敢一個人去嗰度買嘢! =(
港男大力,
我去嗰人又無乜堙味喎,
可能遇啱佢哋"休煙"吧!
哈哈~~~
又使唔使講到"勇闖"咁誇呀, 雖然我唔係成日去,但唔覺得好似你講到咁恐怖 :)
嘿嘿,
真是幾危險架,
內裏三山五嶽,
很多有黑社會背景,
所以唔敢一個人去架!
木頭狗,
入便"波譎雲詭",
人心難測,
都唔無話唔驚呀!!!
我自己行過都要打醒十二分精神
始終我唔係地頭蟲:(
伊麵丹,
入面什麼人都有,
所以好少行去嗰邊!
我這次回港都沒有到旺角,這個地方實在太多人.
估唔到香港還有人是四、五年才換一次電話呀,我以為這種事情只會發生在我們這些在外地住的人哦!
gwenzilla,
手提電話咁貴,
我唔捨得時常換,
情願買架好嘅,
用長啲時間,
慳錢又環保嘛!
發佈留言