2010年3月17日

老媽語錄: 女為己容!


新鮮仔:「你敢唔敢著這條裙呀?」
新鮮媽:「點解唔敢呀?」
新鮮仔:「依家喎?」
新鮮媽:「唏~~我咁著,人哋以為我發老姣呀! 條裙長返啲唔低胸就敢著。」
新鮮仔:「如果你仲係做女嘅時候呢?」
新鮮媽:「梗會,乜嘢短裙、花衫、高跟鞋我都想著吖,不過以前無咁多花款之嘛!」

新鮮媽是位年過花甲的老婦人,
但是每次經過鞋店、時裝店的厨窗前都唔想走,
早前I.T.大減價時,
她都曾經想走入去八八,
只是聽我講完啲價錢後佢就調頭走,
她說她才不會那樣笨做水魚喎,
做唔做"水魚"就睇個人想法,
你覺得值咪唔係囉!

10 則留言:

anmary 說...

女唔一定係為"悅己者容"架! 我廿零時都仲會個男朋友鍾意我點打扮我就遷就吓嘅, 而家? 我只會為自己開心同鍾意架咋=P

不過你又唔好睇少新鮮媽, 佢哋嗰代青春時衣裝業百花齊放, 佢哋當時前衛過而家啲候生多多聲呀!

梁巔巔 說...

納 gel, 型! 事實上, 有納 gel 同冇納 gel, 差好遠! 佢成日鬧我!

新鮮人 說...

anmary,
所以說"女為己容"囉,
扮靚可以為只為自己歡喜的!
新鮮媽少女時由內地來港,
寄人離下打工,
無乜錢打扮,
所以嗰時得個睇字喳,
依家大咗就都係得個睇字,
廿幾歲女嘅衫佢着唔到囉!

新鮮人 說...

巔兄,
gel就無用好耐了,
要納都納"泥"啦,
自然好多,
唔洗成頭"光令令"咁"娘"嘛!

DeepC 說...

咩年齡都有啱著的靚衫, 以前無機會的話, 現在唔好再失機會啦, 買些啱著的著靚D開心下.

macy 說...

新鮮人

新鮮媽又潮又慳家又大方吖.

" 女為己容!"
啱! 點著都應該先著俾自己睇先, 當然扮靚應該先取悅自己啦, 先賺一份滿足感, 待別人讚自己時, 又多賺一份滿足感喎.

我阿媽後生時雖然窮, 但好注重衣著, 會度身做衫, 顏色花款很多, 她常說我老古板, 著衫黑沉沉, 唔似佢後生咁醒神....

新鮮人 說...

DEEPC,
但是有一個問題,
她時常都看中一些十幾廿歲嘅衫,
例如短裙或者是高跟鞋等等,
我們雖然不大理會那些古老規條,
但老人家這樣著實在有點誇張,
現在只要找個平衡點,
不要太誇張就可以了,
況且新鮮媽都曾說,
喜歡不等於要擁有,
站在厨窗看看欣賞都很滿足了,
所以我時常陪她一起"欣賞"的!

新鮮人 說...

macy,
係囉,
唔知點解依家啲後生女著衫仲"沈"過啲老人家,
年青人梗係著得光鮮明亮好啲啦,
起碼令到心情都好啲嘛!

港男大力 說...

成日見到D 女仔(無否認唔會"目及" 女 :P)
一係唔知做乜低胸, 一係短裙....
但出黎既係"自暴其短!"

或者新鮮媽望到件衫, 都好懷念以前青春美麗既日子......

新鮮人 說...

港男大力,
穿衣是一種藝術,
要有品味又要有個性,
不是很多人有的,
大部份都是雜誌話興乜就著乜,
結果自然古零精怪了!