甲:「排什麼? 又有股票發行嗎?」
乙:「唔係，只是月頭啲老人家排隊攞生果金啫。」
甲:「平時都唔見咁多人架?」
乙:「聽日開始連放幾日假，銀行唔開門呀!」
甲:「咁都唔洗堆埋一日攞架? 遲幾日攞囉。」
乙:「雞碎咁多，未到月尾都用哂啦，唔攞定哩幾日食西北風呀?」
甲:「生菓金嘅原意唔係咁噃，啲老人家啲仔女唔養佢哋架?」
乙:「有啲係自己都顧唔掂，有啲就係唔生性唔理自己父母囉。」
甲:「家家有本難諗的經。不過點解唔用ETC咭呢? 咁咪唔洗排咁長龍囉。」
乙:「老人家點識用喎，又記唔到個密碼，又驚被人執咗嘛!」
甲:「咁咪叫自己啲仔女幫手攞囉。」
乙:「啲仔女啋啲老人家都儍呀，有啲衰嘅連父母嘅生菓金都攞走埋呀!」
甲:「唉~~養兒防老唔啱用啦，養兒到老反而要防佢哋呀! 真慘!」
乙:「唉~~~~」
8 則留言:
新鮮人
今時今日, 香港的老人們都好精靈, 識得自己照顧自己, 識執紙皮搵錢養自己, 識收好自己啲錢, 唔俾囝囡搶走, 仲會炸傻扮矇, 防祈福黨...
我信有報應,
嗰啲呃阿公阿婆錢的,
嗰啲掉低阿爸阿媽唔理的,
嗰啲搶阿爸阿媽錢的,
嗰啲趕老人家出門口的,
你地都會老,
都會有一日被人呃, 掉低, 搶錢, 趕走!
讀到我都酸溜溜咁啦!!
好sad呀!!
甚麼家有一老如有一寶...怎麼D人都唔珍惜架!!我就好miss我家中的老啦!
MACY,
啱呀,
己所不欲,
勿施於人,
何況對自己父母,
一世人得一對父母,
理應盡己所能嘅!
gwenzilla,
我都唔明點解現在啲人會變成咁,
對父母疏於照顧,
人與人之間愈來愈隔離,
就是對自己父母都是,
唉~~~~
好彩我懂得用ETC(ATM) 同電腦, 我想到我可以拿老人金的時候, 我會link 個戶O到cash debit card(八達通)張卡到囖, 我想這樣會好方便.
tonia,
尚幸我們還未和社會進化脫節,
到我們真的老時,
不知會唔會有啲新科技是我們學不來的,
而又可能會影響到我們生活方便的呢?
老人家, 是應該敬愛的!
anmary,
對呀,
但很少人說到做到了!
發佈留言