近日又再聽到美國佬強迫人民幣升值，
我唔係經濟學家，
只係粗人一個，
唔識什麼經濟理論，
淨係知道香港大部份食物都係由內地入口，
雞鴨鵝豬牛羊以至疏菜麵食，
糧油雜貨、家用貨品差不多講得出嘅都係由大陸入口，
如果人民幣升值，
積係變相要我哋啲升豆小市民大大增加支出啦，
依家啲餸菜、罐頭、雜貨已經有加無減了，
啲雞蛋以前一蚊幾隻，
依家一蚊得一隻喳，
仲有以前啲白菜三四蚊左斤，
依家六七八蚊先買到呀，
真係乜Q都加哂價，
聽過連啲救命藥材都係咁加價呀，
咁樣搞落去係咪想我哋食香燭呢?
啲香燭都係內地做架，
遲啲貴到連香都無得食呀!
你班美國佬想點先?
唔好以為自己想點就點好噃，
點解大家嘅貿易易差咁大吖?
你啲貨又貴又唔啱用咪無人買囉。
我就黎唔夠錢開飯啦，
係咪想趕絶我哋啲小市民先?
15 則留言:
Freshdesigner: It has been proven that forcing another country's currency to appreciate won't help U.S. In the past, they had forced Japan to appreciate their currency 3 times. Yet, U.S. was still in deficit during that period.
咁咁咁....咁點算??!
一於聽日要去超市搶米、搶厠紙至得!!!
我更慘!!!! 畀老婆啲家用折番人民幣又少好多! 又要加.....
唉.....
RUTH,
佢哋係知架,
不過啲經濟官員無料到,
諗唔到有乜計幫助經濟復甦,
咪唯有將啲責任推哂俾人囉,
衰格又無料到!
Ebenezer,
搶到都無用,
食完咪又係要捱貴米,
不如以後用人民幣出糧,
咁就無有怕啦!
巔兄,
不如移民返大陸,
係大陸做嘢,
出人民幣糧,
就咁唔怕人民幣升值了!
人民幣升值其實對美國經濟一點也不好,因為很多factory在中國,成本其實貴了,所以有不少小型公司要bankrupt!! 所以美國迫人民幣升值的strategy不是我們想的這麼簡單!!
gwenzilla,
我唔理佢簡單定複雜吖,
總之佢咁樣係欺人太甚啦,
人家嘅滙率都要管,
惡到離哂舖呀,
又唔記得金融海嘯都係佢哋搞出黎嘅,
而家又要人同佢補鑊,
哩個世界好似乜嘢都係佢想點就點,
真係愈講愈火滾,
就黎要爆粗口啦~~~~
新鮮人
今時今日做人真係難, 橫掂大家經歷海嘯都無咩胃口, 唯有勒緊肚皮...哎...
macy
新鮮人
真係一波未平一波又起, 横掂都無咩胃口, 勒緊肚皮吧!
macy
已轉載到我前些時, 寫有關美國, 強逼中國人民幣兌美元升值的網文:
""美國人欺人太甚!"
這是我和新鮮兄罕有意見一致的, 我道:
香港的港幣了美元, 但香港的 柴 米 油 鹽 槳 醋 茶 衣 食 住 行, 絕大由內地供應, 陳德霖又無擔當, 敢去解這個死結。 若人民弊兌美元再升, 我們香港窮苦大眾, 又要再捱通漲矣!
space
另: 英國人在十八世紀, 因為和中國的貿易逆差, 而想出利用"雅片"賣給中國人, 終於引發戰爭是為:
鴉片戰爭
據說：中英鴉片戰爭的遠因，是英國人愛喝中國茶，需要大量白銀找茶葉數，令到英國的白銀流失，換句近代的經濟學術語，就是：英國對中國貿易『入超～貿易逆差！』
狡猾的英國人，就利用中國人愛吸鴉片，大量由印度將鴉片輸入中國，由於鴉片是毒品，會令吸食者上癮，愈吸愈多，這就做成中國人，反而要用大量白銀找數，套用近代經濟學術語：是扭轉英國的貿易逆差，平衡了中英的貿易。
但是狡猾的英國人，成功偷了中國種植茶葉的方法，在當時稱為《錫蘭》，即現今南印度外海島嶼國家《斯里蘭卡》，試種中國茶葉，並得到成功，依靠中國輸入茶葉，就沒以前那麼緊張。這樣一來一回，變成中國要需要大量白銀找鴉片數，做成中國的大量白銀流失，達到十分嚴重程度，套用近代經濟學術語：英國對中國貿易『巨額出超～巨額貿易順差』，是英國不但扭轉了貿易逆差，反而得到巨大貿易順差。 而對中國而言，大量中國白銀，流入英國人口袋裡，換句近代的經濟學術語，就是：中國對英國貿易『嚴重入超～巨額貿易逆差！』
因為中國人的鴉片癮，愈來愈深，英國的貿易順差，愈來愈大，英國人更加推廣宣傳，即是賣廣告，荼毒更多中國子民。而且鴉片損害中國人體質，令到集體健康出現問題，變成東亞病夫。中英發生矛盾，遂借故發生了兩次『鴉片戰爭！』
space
MACY,
勒一陣就得,
長期勒緊褲頭唔多掂喎,
到時真係唔洗去瘦身囉,
個個都變哂做排骨仙嘛!
space,
港幣是否應該要和美元脫鈎?
我真係唔識了,
但係香港以出口為主,
而美國又係香港主要出口地方,
和美元掛鈎係有一定的好處和方便,
脫了鈎是禍是褔很難講呀!
我的舊文:
用一籃子商品為港幣下錨
發佈留言