2010年4月13日

錯了又唔認, 認了又無誠意!

我對醫療服務很不滿意,
從前他們給大家的感覺是很專業的,
做醫生的除了有技術外,
還給人一種很高尚操守的印象,
可是近事醫療界卻屢有出錯,
而且當中不少是不可接受的錯誤,
令人非常之氣憤。

醫療人員之所以受人尊敬是因為他們除了有高超的技術外,
還有一絲不苟的工作態度,
因為他們所做的是關乎人類生命的工作,
除了要有豐富的醫學知識外,
亦要有相當的耐性和心思,
理應不可有任何錯失,
是神聖又受人尊重的職業,
所以醫療界的薪俸相比其他職業是略高的,
這是他們高水平的工作表現應得的。
可是近年所見卻是反向而行,
醫療錯誤屢見不鮮,
有些更是錯到"離哂舖"的,
例如手術其間說私人電話,
又好似手術後没有把用品數清,
遺留下手術刀,沙布等物件在病人體內,
其餘如配錯藥、搞錯病人記錄、動錯手術等等時有發生,
雖然說人有錯手,
又或者推說醫療人手不足等借口,
但這全都是不可接受的,
一條又一條的人命在他們手上,
根本任何理由都不可以用來推卸自己的錯誤的,
試想想如果發生事故的是自己的親人,
他們的感覺又會是如何呢?

昨天報紙登出一名嬰兒給護士沖身時,
由於水温過熱,
嬰兒下身有兩成皮膚被熱水炙傷,
傷勢有可能傷及膏丸影響其以後生殖能力,
這是何等的疏忽大意,
簡直不可以接受。
更離舖的是事後院方竟然想推缷責任,
無禮的質詢男嬰父母是否曾替男嬰沖身,
其後發現問題可能是醫護人事先未有測試水温,
院方亦只是支吾以對,
未後作出任何正面回答,
及至受害男嬰父母把事情爆給傳媒後,
院方才臨時出來作出無誠意的假道歉,
簡直没有任何職業操守可言。

從今次事件可見,
不單下層的醫護人員水準日降,
更見管理階層不知所謂,
不單未能實施完整的醫療制度,
對發生了事故的處理手法亦欠誠意,
只想着如何把責任推卻,
那些高層終日坐在冷氣房裏作紙上文章,
高薪厚職十幾萬一個月卻未能做出合理的工作表現,
簡直是浪費納稅人的金錢,
他們没有理由支取豐厚的薪金,
也没有資格霸着這些重要的位置,
更不應得到以往人們的專敬,
他們只是一群不稱職的蝕米大蟲!

ps:
不是想一竹篙打一船人,
醫療界亦有好醫生好護士,
但相對從前來看,
他們的水準確實是在下降,
就算是因為任何制度問題影響,
也不可用以作為犯上嚴重錯誤的借口,
因為人命尤關,
生命無take two,
是不可以有任何錯失的!

16 則留言:

港男大力 說...

近來不知為何那麼多錯誤
但每一次他們總會有十幾萬個理由....
「這次必定是一個人為錯誤」
廢話!

新鮮人 說...

港男大力,
"人個錯誤",
咪就係一次又一次嘅個人錯誤囉,
要錯到時呢?
唔通要人人都錯一次先至會學識唔錯??

anmary 說...

其實做公共醫院嗰啲好慘架... 計返佢哋嘅工時同所承擔嘅壓力, 佢哋都唔係咁好待遇架咋... 不過當然當佢哋做咗私家醫生又或是顧問醫生就另當別論啦...

不過, 近呢十年, 都唔知係醫療事故多咗吖, 定係爆出嚟嘅嘢多咗... 我就一向對政府醫院唔係好有好感, 啲醫生護士好唔好真係要睇吓你好唔好彩... 抽血抽廿次都抽唔到, 覆診時唔見咗我份排版, 喺急症室痛足6個鐘先俾你上樓, 隔離條屍幾個鐘都唔搬走, 有甲由爬上你張床, 明明內科就當我婦科睇, 住咗兩日驗晒啲唔關事嘅嘢先話攪錯(不過我就當無端端免費做咗個婦檢囉=p)

以前一年平均要住廿日醫院嘅我, 真係咩都試過... 不過都有啲好好同好細心嘅醫護嘅~

梁巔巔 說...

而家嘅香港, 係咁.

你話唔 X 唔得!

梁巔巔 說...

仲點和諧!

新鮮人 說...

anmary,
你隨口都講得出咁多問題就可見不是個別事件啦,
我都係嗰句,
醫療人員面對嘅係人嘅生命,
無論任何情況都不可以出錯,
人命尤關,
佢哋工時係長,
但今時今日香港地邊個唔係長工時呢?
相對啲日做十七八個鐘嘅普通打工仔黎講,
佢哋嘅人工係天文數字了,
如果話壓力大嘅就不要做醫護了,
走去做其他工作吧,
至少出錯都唔會搞出人命嘛!

新鮮人 說...

巔兄,
做錯就要被人丙,
跟和諧無直接關係的!

匿名 說...

香港人成日話中國內的D野得人驚,其實香港是否都差不多呢?甲由爬上床?遺留下手術刀,沙布等物件在病人體內?手術其間說私人電話?聽來既不專業也不衛生哦!

喺急症室痛足6個鐘先俾你上樓?這個倒是周圍都係咁!急症.急症.但我無聽過有人即時有人理架!除非流晒血啦!

新鮮人 說...

gwenzilla,
"甲由爬上床"我都係第一次聽到,
有些真係唔知點解會差得咁,
但如果係認真做嘢嘅,
理應唔會差成咁,
很明顯有很多地方要改善了!

The Inner Space 說...

沒有了英國人公私賞罰分明,
大家都是華籍中國人黃皮膚,
中國人的“差不多”先生小姐,上嗮身嚕!

曱甴又名蟑螂!哈哈哈 小強爬上床?

新鮮人 說...

space,
我都唔知係咪真係英國人管理時好啲,
定係嗰時啲人唔識投訴,
但據我記憶,
小時候一樣有很問題,
只是那時個個認命,
唔會出聲表態而己!

anmary 說...

屯門醫院真係好多甲由... 不過好多新他醫生同護士, 可能驚出錯, 所以做嘢都好細心, 而且仍然滿腔熱誠, 對病人態度好好! QE我唔鍾意, 啲醫護好大支嘢. 不過都成十幾年前嘅事, 希望佢哋而家有改善啦....

威爾斯算係比較好, 但我最鍾意住嘅係瑪嘉烈, 不過近年都出唔少事....

所以我而家只會幫襯私家, 我係咪應該慶幸自己雖然同醫生打工但都起碼份人工睇得起私家呢.......?

不過我有幾個朋友都係醫生, 堂大哥係顧問醫生, 做醫生仔嗰啲都好辛苦, 當然錯要鬧, 但佢哋都日日俾啲惡霸家屬鬧, 係又鬧唔係又鬧.

我唔係想偏幫任何人, 我亦覺得你鬧得好啱! 而且, 而家好多錯誤, 根本係唔可以接受. 好明顯係由疏忽造成!

但既然佢哋嘅工作係性命由關, 我覺得個工時係咪唔應該咁長呢? 你講好多人都要做17, 18個鐘, 但嗰啲大部份唔係專業性同要面對龐大壓力嘅工作.

Haricot 微豆 說...

I would pose two questions: 人命貴? 人命賤?

If mistakes are made and nobody is held accountable, then I would answer life is cheap.

If those responsible actually take their responsibilities seriously (e.g. administrators are accountable for the performance of the Medicare system under their control; hospital staff are professionally trained; limit on the max number of work hours per week is standardized; financial and HR resourcing are sustainable, etc), then I would say life is valued.

新鮮人 說...

微豆,
從以往的"事件"來看,
很多都是不應該出錯的,
而且錯完又錯,
人命尤關,
任何情況下生命都是"貴"的,
我不接受這樣情況!

Haricot 微豆 說...

>> ... 任何情況下生命都是"貴"的

I agree with you 100% and hope those responsible for reforming the HK medical system will see it the same way.

新鮮人 說...

微豆,
I hope so!