2010年5月5日

福字大包麵


哩隻"福字"出嘅紅蘿蔔麵幾爽口架,
雖然無乜紅蘿白味,
但係一包八個大大包好抵買,
最緊要係唔係煮兩煮就斷哂,
早前買過"綿華"嘅蝦子麵,
煮兩煮就成個麵斷開兼散哂,
凍水落唔得,
熱水落又唔得,
水滾放落去唔洗一分鐘就斷開哂,
倒返出黎根本食唔到,
火都黎埋,
大家千奇唔好買!

但係哩隻就唔同嘞,
滾水落三分鐘就搞掂,
唔會斷又彈牙,
不過佢一大包只有一包味精,
非用味精做湯料不可嘅就唔洗買嘞,
依家賣$7.9一大包,
抵到爛呀,
爽口又包肚,
算係幾好嘅選擇黎架!

18 則留言:

匿名 說...

咁我要買綿華蝦子麵
證明純正沒有添加劑


Ecaps

p.s. 上網查不到邊處有綿華蝦子麵買噃,唔該!

Ebenezer 說...

蘿蔔麵冇蘿蔔味,真係搞野^^

新鮮人 說...

ECAPS,
咁你去買啦,
食完唔好話我唔講你知,
條條斷開唔夠兩吋長,
睇你點知!

洗唔洗上網揾呀?
多鬼餘,
百佳咪有囉!

新鮮人 說...

Ebenezer,
啲乜味乜味都係花巧嘢,
最緊要爽口唔散又平嘛!

匿名 說...

喺呀!我有一年在某小糕點店買了蘿蔔糕,
吃了一半,放入冰箱,一星期後仍然發霉,
自此就多多幫襯嘞,不過要記著快啲吃完,
和老闆娘傾開,原來他們是不加防腐劑的。


Ecaps

p.s. 等我吃完在元朗“好到底”買的麵麵,就回去佳佳買些回來。

新鮮人 說...

ECAPS,
適量嘅定型劑未必有害,
你不用太敏感,
但嗰啲係煮開就斷哂就唔得囉,
點食呀!?
你要健康嘅不如食新鮮麵啦,
街市日日有新鮮出嘅,
咁講究又何必買包裝呢?
係咪矯枉過正呀!

新鮮人 說...

ECPAS,
仲有噃,
佢斷開哂唔代表佢無落任何化學品喎,
可能只係佢品檢有問題喳,
依家邊有預先包裝嘅嘢唔用化學品架,
咪天真啦,
你都係去街市買新鮮嘅麵啦!

悟樂の空間 說...

睇完成篇, 有冇個參考價格呢???

新鮮人 說...

悟樂,
第二段咪寫咗囉!

匿名 說...

唔喺天真,而是認真,盡力而為已!

Ecaps

新鮮人 說...

ECAPS,
包裝嘢實有化學嘢,
你點揾都有架啦,
話無都唔好信,
食新鮮麵啦,
最健康!

新鮮人 說...

ECAPS,
其實你成日話生存係等死,
咁你要咁長命做乜呢?

梁巔巔 說...

吓?! 成七大包裝得一包味精?! 唔乸掂啦!

畀咖仔肯定唔會有呢啲事發生~

匿名 說...

新鮮兄:死不可怕,但這些化學劑,不會毒死,卻弄出身體毛病,不生不死的騰折後半生,這才可怕呢!

Ecaps

新鮮人 說...

巔兄,
係呀,
哩樣佢係幾失敗,
一係就唔好俾,
一係就放夠八包囉,
不過唔要味精都可以,
反正吃多了没益嘛!

新鮮人 說...

ecaps,
如果樣樣都咁計較,
仲死得多細胞啦,
身體好都無用!

悟樂の空間 說...

係wu~~~

睇唔到的~~~??? 隻眼有問題....

新鮮人 說...

悟樂,
你眼大嘛! =p