網上圖片
唔知放哩張相會唔會趕客呢?
哈哈哈~~~~
因為早前覺得用開的 Rejoxxx 唔好用，
洗完一日半日就頭痕，
又有頭皮，
所以膽粗粗就試吓哩隻"動L"洗頭水了，
再加埋佢嘅護髮素。
一連用了幾個星期之後，
試吓學人"Fing"吓啲頭髮啦，
感覺都幾好噃，
好爽好舒服，
個頭又唔再痕嘞，
感覺返哂黎，
哈哈哈~~~~
我見網上勁多人彈哩隻洗頭水好差，
又話用咗勁甩頭髮，
但我我又唔多覺有問題噃，
至於係咪有生髮長髮嘅效能就唔知嘞，
用一兩個星期好難講，
等我用耐啲再作檢討啦。
其實有啲嘢唔親身試過係唔肯定嘅，
唔好信哂人家講，
自己試過先至下定論會好啲!
16 則留言:
新鮮人
張相的確趕客 =-=
你試一牌, 再話我地知好唔好用吖!
macy,
咁換咗佢又唔夠"傳神"噃!
哈哈哈~~~~
用耐啲再同大家講吓啦! =)
你貼自己張洗髮照片仲好喇！
背影、側面、正面打格仔，都好過呢張。
Ecaps
p.s. 近年我已經不作理髮全套，祇是單剪髮，就是怕了不合自己的洗髮水和護髮素。
ecaps,
佢講啲嘢又唔係錯哂嘅,
唔需要咁討厭佢啦!
放我張相上去?
咪攪笑啦,
我唔想被人笑噃!
喂喂！我冇“襟命”佢講過乜乜咩喎！
我淨喺話你張照片一定好過佢個張咋。
肯定招客呀！勢必搶客呀！
Ecaps
好趕客!
亦唔夠膽用!
我反而識得幾個朋友話幾好喎！有兩個係女士添。乜佢有出護髮素嘅咩?上星期有個同事話想試，但係嫌佢冇護髮素，所以冇買喎！
間中換下不同的洗髮劑, 對頭皮及頭髮都有好處.
"你貼自己張洗髮照片仲好喇！
背影、側面、正面打格仔，都好過呢張。"
我同意!
Ecaps,
我點可以同佢比呢?
我邊度有咁大號招力噃!
巔兄,
唔係咁差,
我用過效果唔錯噃!
小豬,
有出架,
叫你朋友去藥房問吓就知了!
deepc,
我都聽過這種說法,
這款洗頭水和護髮素還可以接受的!
macy,
我無啲正面、側面嘅大頭相呀,
好似監犯咁樣,
哈哈哈哈~~~
媽媽之前攞左一堆試用裝返黎用
我用左一個禮拜( 可想而知有幾多包 )
係幾舒服既
頭冇咁乾，冇咁油，冇咁痕
Rexxice真係唔掂
洗極都唔乾淨，又貴x_x
後來改左用Tresemme
好清爽，好乾淨
伊麵丹,
以前用rejoxxx係貪佢方便,
二合一嘛,
但係佢愈來愈差,
用完好快又頭痕,
仲勁多頭皮添,
所以我而家揾緊第隻比較,
霸王都唔錯,
起碼好過佢,
tresemme我無用過噃,
有機會留意吓先!
發佈留言