2010年5月6日

"動L"初體驗!


網上圖片

唔知放哩張相會唔會趕客呢?
哈哈哈~~~~

因為早前覺得用開的 Rejoxxx 唔好用,
洗完一日半日就頭痕,
又有頭皮,
所以膽粗粗就試吓哩隻"動L"洗頭水了,
再加埋佢嘅護髮素。
一連用了幾個星期之後,
試吓學人"Fing"吓啲頭髮啦,
感覺都幾好噃,
好爽好舒服,
個頭又唔再痕嘞,
感覺返哂黎,
哈哈哈~~~~

我見網上勁多人彈哩隻洗頭水好差,
又話用咗勁甩頭髮,
但我我又唔多覺有問題噃,
至於係咪有生髮長髮嘅效能就唔知嘞,
用一兩個星期好難講,
等我用耐啲再作檢討啦。
其實有啲嘢唔親身試過係唔肯定嘅,
唔好信哂人家講,
自己試過先至下定論會好啲!

16 則留言:

macy 說...

新鮮人

張相的確趕客 =-=

你試一牌, 再話我地知好唔好用吖!

新鮮人 說...

macy,
咁換咗佢又唔夠"傳神"噃!
哈哈哈~~~~

用耐啲再同大家講吓啦! =)

匿名 說...

你貼自己張洗髮照片仲好喇!

背影、側面、正面打格仔,都好過呢張。


Ecaps


p.s. 近年我已經不作理髮全套,祇是單剪髮,就是怕了不合自己的洗髮水和護髮素。

新鮮人 說...

ecaps,
佢講啲嘢又唔係錯哂嘅,
唔需要咁討厭佢啦!
放我張相上去?
咪攪笑啦,
我唔想被人笑噃!

匿名 說...

喂喂!我冇“襟命”佢講過乜乜咩喎!
我淨喺話你張照片一定好過佢個張咋。
肯定招客呀!勢必搶客呀!


Ecaps

梁巔巔 說...

好趕客!

亦唔夠膽用!

xiao zhu 說...

我反而識得幾個朋友話幾好喎!有兩個係女士添。乜佢有出護髮素嘅咩?上星期有個同事話想試,但係嫌佢冇護髮素,所以冇買喎!

DeepC 說...

間中換下不同的洗髮劑, 對頭皮及頭髮都有好處.

macy 說...

"你貼自己張洗髮照片仲好喇!

背影、側面、正面打格仔,都好過呢張。"

我同意!

新鮮人 說...

Ecaps,
我點可以同佢比呢?
我邊度有咁大號招力噃!

新鮮人 說...

巔兄,
唔係咁差,
我用過效果唔錯噃!

新鮮人 說...

小豬,
有出架,
叫你朋友去藥房問吓就知了!

新鮮人 說...

deepc,
我都聽過這種說法,
這款洗頭水和護髮素還可以接受的!

新鮮人 說...

macy,
我無啲正面、側面嘅大頭相呀,
好似監犯咁樣,
哈哈哈哈~~~

伊麵丹 說...

媽媽之前攞左一堆試用裝返黎用
我用左一個禮拜( 可想而知有幾多包 )
係幾舒服既
頭冇咁乾,冇咁油,冇咁痕

Rexxice真係唔掂
洗極都唔乾淨,又貴x_x
後來改左用Tresemme
好清爽,好乾淨

新鮮人 說...

伊麵丹,
以前用rejoxxx係貪佢方便,
二合一嘛,
但係佢愈來愈差,
用完好快又頭痕,
仲勁多頭皮添,
所以我而家揾緊第隻比較,
霸王都唔錯,
起碼好過佢,
tresemme我無用過噃,
有機會留意吓先!