2010年6月21日

父親節? "苦親節"!

噚日係"父親節",
對於我黎講無乜特別,
因為我老豆一早就"飛升"咗,
況且家裏自小都唔興搞啲乜嘢父親、母親節的,
就連一家大細嘅生日都係咁過,
從來無話搞慶祝這些玩意的,
不過昨天還是和新鮮媽去行吓街,
有節無節都係咁,
日子一樣咁過,
不過街上就好似多啲一家大細出動咁。

係街度自然見到不少為人子女嘅拖住啲老父行吓街啦,
不過得更多嘅係年青父親帶住啲子女行街街,
予其話係父親節為父親慶祝,
不如話係啲父親陪子女玩,
見到啲為人父親嘅左手攞住隻bb車,
右手又拖住個細路,
仲要一眼關七照顧同行嘅家人,
真係辛苦過返工做嘢。
至於行街、食飯、買嘢全部嘅消費自然又係"父親"付出啦,
所以可以以講父親節最開心嘅係子女不是父親,
父親節變成父親做阿四嘅節日,
不過無計架啦,
做人老豆就係咁,
啲子女肯陪吓你都好啦,
依家啲小朋友細個要你照顧,
做父親嘅仲有好多機會見吓佢哋,
遲啲到佢哋大咗就想見都好難了,
叫佢哋陪你飲茶?
佢哋唔講「又飲茶?」就奇囉,
所以話有機會嘅,
辛苦啲都好,
陪得幾多就幾多,
子女大咗就唔會成日係身邊了。

10 則留言:

xiao zhu 說...

>>不過昨天還是和新媽媽去行吓街,

你係咪想寫"新鮮媽"呀? 搞到我係度諗乜你多左個媽媽咩!

新鮮人 說...

小豬,
咁都寫錯,
失禮死人,
謝謝提示,
已改過了!

^-^

DeepC 說...

都唔係位位父親這樣過的. :)

新鮮人 說...

deepc.
當然不是,
不過見到就有感而發吧了! =)

嘿嘿 說...

所谓母亲节父亲节只是一个意思玩艺,能尽孝道也无需节庆。

梁巔巔 說...

最憎 oD人嗰日先嚟孝順~

新鮮人 說...

嘿嘿,
對呀,
現在的母親、父親節嘅商業味很重,
都是商人做生意嘅時候,
不過這樣也有好處,
至少能夠提醒平時不大理會父母嘅人多關心父母嘛,
這樣也不錯吖!

新鮮人 說...

巔兄,
唉~~~
一年一次,
好過一年一次都無啦,
依家啲人係咁架啦!

Walter 說...

唉...

新鮮人 說...

walter,
唔好唉啦,
啲樹葉落哂黎啦,
做人父母係辛苦架,
不過看着子女成長不是很開心嗎?
笑吓啦! ^-^