2010年7月6日

"不幸事件"續續集!

"不幸事件"繼續發展,
友人老婆出走一個多月,
最近卻給他發現她竟然已有孕一個月,
而經手人就是那個在背後搞風搞雨的前男友,
這使他感到傷心欲絶。
新婚一年未及,
雖然因為妻子和姑不和,
弄至夫妻關係有隙,
但事件竟然發展如此快速,
相信事件早已暗藏"殺機"的。

友人妻子所持的是雙程証,
每三個月都要回鄉續証,
友人相信早在半年前她回鄉時,
已經開始和她舊男友搭上了,
再加上那男人暗地裏的"落力支持",
最終就把人家的家庭搞散了。
本來家家有本難諗的經,
那對夫妻會没有吵鬧呢?
況且兩人的問題又未去到不能解決的地步,
本來慢慢坐下來有商有量總有辦法的,
可是這個界就是有些人喜歡混水摸魚,
那前男友當她每次回鄉都用車管接管送,
又話開間廳室給她打理,
總之什麼花言巧語都出齊,
還曾多次偷用友人妻子手機發送短訊,
故意把友人激怒,
以至他們夫妻的關係更趨惡化,
這樣的男人真係賤到無倫,
男人大丈夫愛一個人不應如此乘虛而入,
更不應該搞那樣下流的小動作,
這不是真正的愛,
這只是一個下流賤男的佔有慾表現,
不過事情已經發展到這個地步,
友人亦已多次盡力修補和妻子的關係,
可是她卻連正面對話的機會也拒絶了,
只是口口聲聲說不想傷害他,
但事實卻是迴然相反。
如今一切都不可能再回頭了,
他已決定這個星期單方面提出離婚,
因為友人那顆心已經徹底死了。

16 則留言:

悟樂 說...

事件要發展到咁的地步...
依個女人都唔駛留啦~~~~~~

xiao zhu 說...

牛唔飲水點 gum 得牛頭低吖!我覺得問題始終都喺個女人果度。

the inner space 說...

始終都是個句:"是你朋友的一面之辭!"

沒有反方的資料和答辯, 不過做朋友有時確只可以單純"死撐"囉!

新鮮人 說...

space,
始終都係嗰句,
同一個人結咗婚,
無理由一年唔夠就走咗去,
仲同人有咗,
點都講唔通啦!
佢可以對自己老公失掉愛,
但又可以咁快同人搞埋兼大肚,
當初又係佢迫人同佢生仔結婚嘅,
依家咁快就無哂愛意嗱?
哩啲係乜嘢感情,
試問吓如果嗰個賤男無錢嘅,
佢會唔會咁絶,
咁快連個女都唔理走咗去吖,
連一點商量嘅機會都唔俾個丈夫呢?
佢丈夫又唔係打佢、又唔係不忠,
仲想同佢商量點慢慢解決和家人嘅問題,
只不過是半年時間啫,
唔係咁都唔可以慢慢商量解決吖??
當中仲包含埋同個賤男人交往喎,
即係結婚唔夠三個月就可佢舊男人搭上啦,
從種種時間黎睇,
點都係佢唔啱啦!

雖然未必係我個fd啱哂,
但係點睇都係個女理虧多點啦!
咪成日懶客觀咁,
好多嘢好明顯啦,
如果我個fd大把錢,
而嗰個賤男友無錢嘅,
你話件事會唔會唔同哂吖?

新鮮人 說...

點解我剛才嘅留言無哂嘅????

我無理由自己删咗自己嘅留言架?

Ruth Tam 說...

Regardless what your friend said is true or not, it's good for him to put an end to it.

新鮮人 說...

悟樂,
唉~~~
想留都留不了,
友人見她如此絶情,
對自己女兒都不聞不問,
更加死心了!

新鮮人 說...

小豬,
我都係咁諗,
和自己老公有問題係一件事,
和舊男友搭上又係另一件事,
兩者根本不是前因後果,
事實就係變心、貪錢、不能共甘共苦!

新鮮人 說...

ruth,
對,
誰對誰錯都不重要了,
反正已無回頭的機會,
也係時候了斷了!

the inner space 說...

我不知香港入境條, 和港人男人結婚, 是否即可得到香港永久居民身份(證)呢?
若是的話, 目的已達, 孽種交還父親, 分手是不能避免.
是項交易, 各取所需遮!

梁巔巔 說...

X 鳩完個女人, 先離婚~

新鮮人 說...

space,
婚姻不是交易!

結了婚不可以即係成為香港永久居民,
要伸請的,
現在那個女的還未成功仲請!
況且如今的內地人根本唔恨來港定居,
那種想法已是上世紀的了!

至於個女係愛情下的結晶品,
如果不是為了個女人,
想組織家庭,
友人根本未諗住咁快生個女的,
你的所謂"各取所需"根本不成立,
我反而覺得似是黃樑一夢!

新鮮人 說...

巔兄,
唉~~~~

the inner space 說...

綜合各方意見, 只是貴友一廂情願, 以為自己真的是有飛來艷福, 娶得美人歸, 又唔自省自秤一下, 自己值幾多, 至攪到如斯田地.

新鮮人 說...

Space,
唏~~
你咁講就唔啱啦,
當初又係個女嘅追佢先嘅,
有咗之後又係個女嘅話要個bb,
又迫佢結婚嘅,
點可以話友人不自量力呢?
你咁講唔合理啦!

你話綜合各方意見,
我唔覺噃,
好似淨係你咁講喳,
咪拖人哋落水好噃!

匿名 說...

咪系囉, 有女朴, 送上門添, 就以為好有形, 自己好正咩? 又唔霖下, 自己有有幾多斤兩.

我就話全部是貴友人自己囉黎衰遮.


space