2011年4月29日

"點解要性交?"

今日嘅題目係三級嘢,
年紀未夠十八或心智未逹十八嘅"小朋友"請迴避,
唔係投訴我淫蕩或者教壞小朋友就唔好啦。

今日嘅題目就係"點解要性交?"。
如果哩條題目俾啲人細鬼大嘅細路答,
佢哋實會話我戇居兼搞笑,
搞嘢梗係要happy啦,
唔通想生bb咩?
搞出人命唔係"目的",
係"災難"呀!

如果問已經成家立室嘅成年人,
佢哋可能會話鍾意細蚊仔,
又者要傳宗接代囉,
無錯,
係"傳宗接代"哩四個字,
唔好笑老土呀,
依家仲有人抱住"無後為大"嘅想法架,
尤其係啲九代單傳嘅,
唔單止要愈生得多愈好呀,
如果個老婆生唔出個慈姑掟,
簡直係罪大惡極,
就算唔俾人休妻都會打入冷宮呀,
你咪笑呀,
大把人仲係咁諗架,
儒家思想根深蒂固,
無仔生連太公分豬肉都無份呀,
老公死咗有女都無用,
份身家隨時要俾啲叔伯兄弟分哂去,
孤女寡母無人理,
哩啲事依家係中國仲大把呀。

好嘞,
扯遠咗添,
講返"點解要性交?"先,
綜觀上述兩點,
性交嘅目的好似大致可以歸納為兩點,
一) 就係肉體上嘅happy,
二) 繁殖下一代嘅神聖任務,
其實我真係唔覺得有幾神聖,
如果唔係抱殘守缺,
一定要生男嘅,
生男生女,
生唔生都無問題嘅,
我睇唔出"繁殖下一代"有幾神聖,
明眼人一睇就知哩種講法簡直就係封建男尊女卑嘅陃習,
只會係啲食古不化嘅老而不先會咁諗,
不過事實話俾我知,
哩啲老而不國內多的是,
唔係都唔會有咁多殺女嬰發生啦。

如果性交嘅目的唔係一定要"生"嘅,
咁主要目的積係要happy啦,
先唔好話啲青少年濫交唔濫交,
青少年到大人都覺得性交好happy,
尤其係男人,
癮起時對住個靚女就會話:
"你俾我啦! 你俾我啦! 我乜都應承你呀!",
好明顯性交能夠帶俾男人好大樂趣啦,
至於女人呢?
我梗係唔可以代佢哋答啦,
不過很大程度上佢哋係想自己男人開心為先嘅,
當然女人都係人,
佢哋都有慾念和要求,
唔可以話有性慾嘅女人就係淫蕩,
哩啲係超級封建、男女不平等和異常無知嘅想法,
男人要得,
女人想要又何為淫蕩呢?
有咁嘅思想嘅人唔係小男人就係虧佬,
無能力無勇氣去面對女人嘅要求,
就倒轉過來要女人禁慾,
可笑可悲可憐。

我講咗一大輪,
係咪叫人亂交一通先?
咁又唔好搞亂喎,
重點係"點解要性交",
唔係"點樣亂性交"喎,
性交嘅對象當然以終身夫妻為主,
其次就係長期伴侶最好啦,
絶對唔提倡隨便見人就交,
我都唔支持濫交架。
這篇嘅重點係想講,
性交唔係一種例行公事,
也不一定是什麼神聖繁衍後代任務,
而係一種男女雙方增進感情和溝通的行為,
當中包含有歡偷、配合、接受、忍讓、體諒...
要兩個人不斷親身去實踐、摸索、配合,
從而逹致水乳交融嘅無上歡愉,
聽完我講,
係咪好想實踐吓呢?
實踐還踐,
唔好話我教你鹹濕喎!
哈哈哈~~~

11 則留言:

悟樂の空間 說...

笑~

我唔知其他人點,
我睇完之後冇實踐的衝動~
淨係覺得好好笑~

不過你講的我有尐覺得係啱的,
重男/女權主義或深層的意識問題真的影響了人類很多年,
即使到了今天情況已有一定的改變,
但真的不知道要到何時大家才會放下這些古人留下的壞教導.

新鮮人 說...

悟樂,
有好笑呀,
哩題目係好值得認真討論架,
另外,
你對我講嘅邊啲覺得唔啱呢?
我都想聽吓你嘅意見喎!

naruto 說...

我諗而家問十個都係答你happy喎

生仔。。。生唔到而家可以人工又可以代母喎

樂遊 說...

看到標題,我立刻想起早前在有線重看的「百分百感覺」。有一幕伍詠微問李兆基:「點解人會有性興奮和性高潮」李兆基話:「搞野係咁GA LA」

其實,繁殖後代應是所有生物的本能。我睇過一套記錄片,話有種昆蟲,成蟲破土而出只有唔夠一日壽命,牠們一出土就立刻「扑野」.....不久就死,他們的一生就為了繁殖。牠們可以說:「我的一生就是為了天生的激情」....真係有型到爆。

其實,我覺得人類亦是如此。一個人(特別女人)在繁殖功能失去後,就進入更年期,身體機能漸大不如前。假如不是現代科技,人應該是五六十歲就死。那麼亦即完成繁殖任務後,亦果頭近了。

新鮮人 說...

naruto,
哩個係新時代科技發逹下產生的新問題,
人類在這方面意見還很分歧,
需要繼續商討和探索,
未有定案了!

嘿嘿 說...

真是性交育!哈哈哈~~~

新鮮人 說...

樂遊,
所以我都幾相信進化論,
繁殖是所有生物的本能,
之不過人類進化到高智慧層面,
在原始獸性上產生了道德規範,
基本本能結合人類自我控制,
把獸慾的原始性減低,
令人類和野獸有一定的分別,
但歸根究底,
人類是無可能和無需要過份抑壓這種原始慾望的,
否則就和本性背道而馳,
很不自然。

DeepC 說...

這篇用不著迴避啦~

你借題發揮, 只是講做人之道(進化版)之嘛~ :P

新鮮人 說...

deepc,
咁就可以睇到男女睇嘢角度嘅唔同嘞,
你會想到做人之道,
但係不少男性睇完就會笑淫淫,
不過你都講對,
交合的目的係人類進化過程中不斷在變化,
獸性嘅成份減少,
溝通和配合的成份卻增加了,
但在新一代中,
又好似走返轉頭,
隨便順眼就可以開波,
唔需要任何感情基礎,
慾念蓋過一概!

Haricot 微豆 說...

I know a couple who just got married. But they are both women ....

So, strike out "一生就為了繁殖" (in the strict sense of reproduction, not adoption).

They do love each other. So they are seeking happiness and companionship in a relationship, just like any opposite-sex couple.

Please note I am not passing any judgement here.

新鮮人 說...

微豆,
我就是想說結合不定為了生殖,
性交是兩人的一種"愛的表現",
至於男女、女女、男男純是個人選擇,
没有什麼問題。