2011年5月16日

小男孩在超市!



假日的超市滿是試食的推廣攤檔,
有時我們會發現不少有趣的對話。

一個六、七歲帶着紅邊眼鏡的小男孩發現了寶藏似的在叫着:
「媽咪~~~ 哩度有試食呀! 快啲黎試啦!」
「唔試囉! 你自己試啦!」不遠處的媽媽有點尷尬,
「試啦~~~ 唔洗錢架!」還是大大聲的在叫着,
「唔買喎,唔試啦!」
「唔買都食得架!」男孩用疑問的眼神望着試食攤位的姨姨,
「食得! 食得! 你要唔要多嚿呀?」姨姨笑咪咪看着男孩,
「我食咗嘞,媽咪唔試喎!」

超市的游水魚檔也可以是一個"體驗場"。

小男孩又發現有趣的東西了,
「點解要用保鮮紙包住啲蝦架?」
「因為唔想佢哋跳走哂囉!」
「啲蝦都死哂啦!」小男孩用手指輕輕"篤"着保鮮紙的表面,
「包住咪焗死咗囉!」
「噢~~真係慘嘞!」小男孩帶着可憐的眼神說。

「哩條包住嘅係乜魚呀?」小男孩的爸爸問,
「唔~~~ 係咪紅衫呢?」語氣有點遲疑,
「唔係,係大眼雞喎!」

「爸爸,哩份切開一塊塊嘅係乜魚黎架?」
「係鱈魚,你要唔要買呀?」魚檔的姨姨逗着小男孩說,
小男孩知道買唔買自己揸不了主義,
正要轉身問問時卻發現爸爸走遠了,
於是轉頭對賣魚姨姨大聲的說:
「我比較喜歡游水的魚喎!」
賣魚姨姨立刻指着傍邊魚缸裏的游水魚說:
「哩度有好多游水魚架,你要邊條吖?」
「我...我... 我住好遠架,唔係哩度買嘞!」小男孩紅着臉走開了。

其實到處都有學習的機會,
多讓小孩子獨自面對人群,
他們可以學得更快更生動,
也能培養他們和別人溝通的技巧和信心!

14 則留言:

l.minor 說...

認同

等佢地自己面對多d人群,自己學下處理,溝通技巧都會好d

naruto 說...

呢個小朋友算醒目呀,好多剩係識扭計架咋

新鮮人 說...

I.minor,
也是,
多外出接觸人群總會比在家裏獨自對住部腦有益!

新鮮人 說...

naruto,
所以家長從小嘅教導很重要,
否則大了就更加教了。

嘿嘿 說...

爸爸,睇注啦,哩个新鲜哥哥写我的!我上着博客上网啦!嘿嘿嘿~

DeepC 說...

不過佢父母都走了,
無人教佢啦.

小朋友自學也是件好事,
大前提是不要遇到衰人. ^^

匿名 說...

>> .... 「試啦~~~ 唔洗錢架!」

I think the mother really set a good example by not encouraging her son to eat more just because the food was free.

Thus, it is important to know who are the ppl teaching and influencing the young ones.


Hariot

新鮮人 說...

嘿嘿,
有人關心注意的小孩是幸福的。

新鮮人 說...

deepc,
父母在一定的範圍看着,
讓小朋友自己面對新奇怪,
從中學習,
就算跌倒都可以是成長的一種經驗,
自我體驗和別人教導同樣重要嘛。

新鮮人 說...

微豆,
可惜不少人卻用相反的方式教導兒童,
有便宜唔會蝕底,
一定攞完又攞,
攞到無為止,
這些家長還會親自身教,
讓他們的下一代學習何為"競爭力"!!

Ebenezer 說...

個細路真係幾過癮wor^^

新鮮人 說...

Ebenezer,
佢真係幾過癮架,
唔怕醜又八卦嘛!
哈哈哈哈~~

五珍 (Jan Ng) 說...

其實香港的小朋友真是好聰明,幾歲人仔,問到你口都啞晒。

新鮮人 說...

五珍,
係呀,
現在的小朋友真係好聰明,
有時仲好牙尖嘴利,
家長一定要好好教導,
否則聰明反被聰明害。