家裏教導，
就算窮都要窮得有骨氣，
由細到大都堅守"路不拾遺"，
更加唔敢去偷呃拐騙，
小時候，
就算執到一蚊五毫都會攞俾老師，
到依家都依然係咁諗，
唔係自己嘢一定唔會貪。
今朝係街我見到兩母子談話，
個小朋友大約讀幼稚園高班，
我見佢指住地下一個一毫子銀仔，
佢媽咪見到即係就話:「執到寶呀!」，
然後就叫個仔執起佢，
好明顯個阿媽會將嗰銀仔據為己有，
咁做實在很有問題，
那怕只是一毫子，
唔係自己嘅就唔應該要，
而最大影響係個仔會以為乜嘢執到就係自己嘅，
哩種思想入咗腦就好大問題。
好嘞，
如果要"路不拾遺"，
咁我哋又應該點處理嗰一毫子呢?
如果係貴重的東西當然可以攞去差館啦，
但係一毫子都攞去實俾差人話浪費警力呀，
如果唔攞去又點做好呢?
就咁放返係地下唔理?
一毫子唔理都唔奇怪，
但係如果係廿蚊、一百蚊紙呢?
攞去差館啲差人都一樣當你儍，
講真就算差人自己執到都唔敢包佢哋會點做，
更何況係別人，
如果係你係街執到張廿蚊紙，
左睇右睇都唔見有人似係物主嘅，
你又會點做呢?
18 則留言:
唔執，分分鐘係電視台放蛇！
我都係。找多左錢，假如立刻發現，我都會立刻相告(回到家才知，除非銀碼很大，否則就當自己，但我都未遇過)。至於地上有寶，我都唔會理。一是幼承庭訓，二是賴過野。老實說，錢我係唔會理，但其他呢？都試過貪的。讀U時，要常影印，當時無八達通，而是用影印儲值卡，每次增值五十、一百之類。總有失魂者忘記取卡，把卡插在機中。我試過兩次，當我用自己張卡影完印，都無人走來找那張無主卡，我就會袋之大吉。但兩次都係我袋了此「大吉」後，就接連唔見/遺失兩三張增值不久的影印卡。唔到你唔信邪，以後地上有甚麼寶都唔理。至於金錢，除非看着從某人身上掉下，否則我主張由他在地上，有需要的人自會拿去。
電視台放蛇都未係最慘,因為香港d電視冇乜人睇。
最怕俾人放埋上 Youtube，仲俾人改個衰名就慘慘喇。
我執過兩次電話，比番人
但自己漏左電話喺巴士，無人幫我執
laulong,
以前電視好興哩類偷拍節目,
依家好少了,
不過都唔排除哩個可能性,
但係真係由佢?
可能會俾啲貪心人執咗去喎。
ebenezer,
哩個可能性太恐怖,
真係死咗都唔知乜嘢事,
仲要俾人點相唱臭,
都係如果係攞去差館嘅,
會唔會係好事,
唔會俾人唱貪心呢?
naruto,
貪心的人會多過好心的人,
只要做得安心,
做正確的事就好了。
哈,我都係,地下有錢唔會執,店家找多錢我都會自首的(即場而言,假如回到家才發現,除非銀碼大,否則就當係自己了,無奈未遇過)錢就一定唔執,其他就.....都試過貪呀！但後來沒有了。原因一是幼承庭訓，二是因為有教訓。讀U時,圖書館要用影印機儲值卡影印，好似增值50元之類。總有些人影完後,把卡留在機內，到我影時....我會用自己的卡影,但到我影完後,仍無人認領,我就會拿走那張遺留卡。但是,我這樣拿過兩張,但兩次都在短時間內接連唔見或遺失兩三張。唔到你唔信邪.....自此以後,見到甚麼都不會理會。
至於地上有錢.....由他吧....給有需要的人拿去
當然唔執啦, 大銀碼就考盧攞去警處, 因為可能那些錢對物主很重要, 交警方好一點, 假如沒人認領又回到手上, 那就損出;
不過多數唔理(當看不到,走人), 免煩.
樂遊,
這是一種因果的想法,
信則有, 不信則無,
我就以"路不拾遺"為一種個人操守,
有無報應都好,
唔應該的就唔做,
不理有無因果這樣東西。
deepc,
記得有一次我遺失銀包,
到差館報失,
報案室啲警察話多數揾唔返,
仲話拾到錢攞黎差館會搞到佢哋好麻煩喎,
啲差人都係咁諗,
有時做好人都會俾人話笨的。
但,
咁做係絶對啱嘅,
只是如今的社會價值觀改變了,
就算差人都係咁諗,
唉~~~
咁又唔一定.
一樣米養百樣人嘛, 人人唔同.
DEEPC,
世事無絶對,
人人唔同這句話永遠說得通的,
但現在說的普遍社會風氣,
道德衰落,
操守敗壞,
這的確是鐵一般的事實,
無從否認。
When I was living in HK, there was no strong guidance as to what one should do. Some ppl speculated that the police would just pocketed whatever were brought into the station - less paperwork that way. That was before 1997.
Generally speaking, things are more above-board here in Ottawa. However, I still would not expect lost items to be returned to me every time, esp electronic gadgets.
橫財啵！呀麥居士話財氣一走就無㗎喇！細如一兩毛，我會執囉，攞個意頭，細過10蚊就買旗（善事），多嘅當然交去警處，煩吓傞人！唔係交傞餉來做嘜？
生蠔
微豆,
失去的東西很難找回,
這是真確的,
物件和人都是,
擁有時我們要小心保護。
生蠔,
你講得很好,
合理。
發佈留言