我唔搬呀，點解係都要人搬喎？
阿B仔，新屋又大又靚，做乜唔搬過去呀？
係鬼，新屋門口又爛又剩，路又未整好，土石橫飛，我唔搬！
就快搞掂哂啦，忍多幾個月咪得囉！
就快？ 咪當我阿嬌喎！咁我幾月後至搬囉。
你係都要包頂頸喎，你一個人留係度作死咩？係咪五行欠打呀？
你咪行埋離呀，我有核心保安區架！
乜野核心保安區呀？唔知你up乜！
你無睇電視咩？核心保安區即係生人勿近區呀。
癡媽筋，亂講一通，都未聽過乜Q保安區！
你未聽過咪等我講過你知囉，由哩度到哥邊都係，即我視線範圍之內都係呀。
作死囉，你個死仔包作反呀？係咪想死呀？
你咪郁手呀，我有人權架，打親我報警拉你架。
好呀！好呀！我唔俾零用錢你，又睇下邊條法例規定要俾零用！
14 則留言:
回應第一句對白：我細果陣阿媽都係金問我，我話信呀
金係咪唔洗打呀？
新鮮兄, 你是否講緊地產商收購村民土地一事?
零用有$6000，四月先攞仲多200㖭
好小事啫，搞到家嘈屋閉！
imak,
但係唔係個個"細路"好似你細個咁順攤架嘛,
有啲句句頂到行,
以為自己有理由就可以亂黎一通的。
巔兄,
我没有特定講那件事,
這故事只反映兩個不同意見的個體在亙不體諒下亙相攻擊的情況,
問題不單解決不了,
反而不斷增加亙相的誤解,
情況只會愈來愈差。
naruto,
物價騰飛,
嗰兩百蚊睇怕都追唔上通貨澎漲了。
laulong,
我們也許會覺得好小事,
但當事人怒氣沖沖,
不能心平氣和,
自然會覺得好大件事,
結果愈鬧愈糟了。
你估B仔會唔會夜晚蒙著面，踢爛B媽房門，走去打Q B媽一鑊呢？
ebenezer,
個死仔包咁野性,
真係可能咁做架,
反正佢都乜嘢掉蕉、搶咪、撞門都敢做嘞,
仲有乜嘢唔敢吖!
前排酒樓嗰件爆粗小學仔勁好多！B仔與B媽都幾趣緻吖，起碼 still 溝通ing。
家陣屋企氣氛係咁㗎啦，要D細路獨立思考嘛！做父母日日都要老作成埋option比佢地𢵧㗎！
肥媽
肥媽,
現在和小朋友溝通真係要好有技巧,
郁啲又話無人權,
仲唔可以打,
又話要報警,
好難搞。
這篇其實是借b媽和媽仔的對話,
反映社會上的某些政黨和政府溝通的現象,
大家都各持己見,
以為自己啱哂,
結果搞到一塌糊塗,
完全解決唔到問題。
>> .... 反映社會上的某些政黨和政府溝通的現象
咦,您係咪講花旗國呀?佢地都有個B媽(茶壼黨Bachmann)同阿B仔(政府O-Bama)鬧到唔清唔錯噃!!
微豆,
唔係呀,
我無留意美國咁遠,
係香港嘅政治現象喳!
發佈留言